മെയ് 15ന് രണ്ടാം ഘട്ട പരീക്ഷകള്‍ ആരംഭിക്കുന്നതിനാലാണ് ആദ്യ ഘട്ട പരീക്ഷാഫലം ഇന്ന് പ്രഖ്യാപിക്കുന്നത്. ഏകദേശം 25 ലക്ഷം വിദ്യാര്‍ഥികളാണ് ഫെബ്രുവരി 17 മുതല്‍ മാര്‍ച്ച്‌ 11 വരെ നടന്ന ഈ പരീക്ഷയില്‍ പങ്കെടുത്തത്.

ഫലപ്രഖ്യാപനത്തിന് മുന്നോടിയായി ഡിജിലോക്കര്‍ അക്കൗണ്ട് മുന്‍കൂട്ടി തയ്യാറാക്കി വെക്കാന്‍ അധികൃതര്‍ നിര്‍ദ്ദേശിച്ചിട്ടുണ്ട്. ഫലം വരുന്ന ദിവസം വരെ കാത്തിരിക്കാതെ ഇപ്പോള്‍ തന്നെ അക്കൗണ്ട് സെറ്റ് ചെയ്യാനാണ് നിര്‍ദേശം

APAAR ID ഇല്ലാത്ത വിദ്യാര്‍ഥികള്‍ പുതിയ അക്കൗണ്ട് ഉണ്ടാക്കണം.APAAR ID സിബിഎസ്‌ഇയുമായി ലിങ്ക് ചെയ്തിട്ടുള്ള വിദ്യാര്‍ഥികള്‍ക്ക് അവരുടെ മാര്‍ക്ക് ഷീറ്റുകള്‍ ഡിജിലോക്കറിലെ ‘Issued Documents’ എന്ന വിഭാഗത്തില്‍ ലഭ്യമാകും.

ഹെല്‍മറ്റ് ധരിക്കുകയെന്നത് നിയമപരമായ ബാധ്യതയാണെന്നും അതു ലംഘിച്ചതു കൊണ്ടു മാത്രമാണ് അപകടമുണ്ടായത് എന്ന് വാദിക്കാന്‍ കഴിയില്ലെന്ന് ജസ്റ്റിസ് എന്‍. ആനന്ദ് വെങ്കിടേഷ്, ജസ്റ്റിസ് കെ.കെ. രാമകൃഷ്ണന്‍ എന്നിവരടങ്ങിയ ബെഞ്ച് നിരീക്ഷിച്ചു. നിയമലംഘനത്തിന് അപകടവുമായി നേരിട്ട് ബന്ധമുണ്ടെന്ന് തെളിയിക്കപ്പെട്ടാല്‍ മാത്രമേ ഇത്തരം വാദങ്ങള്‍ നിലനില്‍ക്കുകയുള്ളൂ എന്നും കോടതി വ്യക്തമാക്കി

പുറമേ ശാന്തമായി തോന്നുന്ന പുഴകളും ജലാശയങ്ങളും എല്ലായ്‌പ്പോഴും സുരക്ഷിതമാകണമെന്നില്ലെന്നും, ആശ്രദ്ധയുടെയും അമിത ആത്മവിശ്വാസത്തിന്റെയും ഒരു നിമിഷം മതി വലിയ ദുരന്തങ്ങള്‍ക്ക് കാരണമാകാന്‍ എന്നും വീഡിയോയില്‍ ചൂണ്ടിക്കാട്ടുന്നു. മുതിര്‍ന്നവരുടെ മേല്‍നോട്ടമില്ലാതെ കുട്ടികളെ ജലാശയങ്ങളില്‍ വിടരുത്. നീന്തല്‍ അറിയാതെയും ജീവരക്ഷാ ഉപകരണങ്ങളില്ലാതെയും വെള്ളത്തില്‍ ഇറങ്ങുന്നത് അപകടകരമാണെന്നും മുന്നറിയിപ്പ് നല്‍കുന്നു. സുഹൃത്തുകള്‍ അപകടത്തില്‍പ്പെട്ടാല്‍ വെള്ളത്തിലേക്ക് ചാടാതെ രക്ഷാപ്രവര്‍ത്തകരെ ഉടന്‍ വിവരം അറിയിക്കണമെന്നും നിര്‍ദേശിക്കുന്നു.

സെല്‍ഫിയോ വീഡിയോയോ എടുക്കുന്നതിനായി അപകടകരമായ സ്ഥലങ്ങളിലേക്ക് പോകരുതെന്നും, ‘റീലുകളേക്കാള്‍ വിലപ്പെട്ടത് ജീവന്‍ തന്നെയാണ്’ എന്ന സന്ദേശവും പോലീസ് മുന്നോട്ട് വെക്കുന്നു. ലഹരി ഉപയോഗിച്ച് വെള്ളത്തിലിറങ്ങരുത്. അധികൃതരുടെ മുന്നറിയിപ്പുകളും ബോര്‍ഡുകളും കര്‍ശനമായി പാലിക്കണം. പരിചയമില്ലാത്ത ജലാശയങ്ങളില്‍ ഇറങ്ങുന്നത് ഒഴിവാക്കണമെന്നും, ചുഴികളും അപകടകരമായ പാറക്കെട്ടുകളും ഒളിഞ്ഞിരിക്കാമെന്നും വീഡിയോയില്‍ വ്യക്തമാക്കുന്നു.

അടുത്തിടെയായി വയനാട്ടിലെ വിവിധ ജലാശയങ്ങളിലായി നിരവധി പേർക്ക് ജീവൻ നഷ്ടമായിരുന്നു. കമ്പളക്കാട് കൊഴിഞ്ഞങ്ങാട് സ്വദേശി സുഭാഷിന്റെ മകന്‍ അലന്‍ (13) ആണ് അവസാനമായി ജീവൻ നഷ്ടമായത്. എപ്രിൽ 4-ാം തിയ്യതി വരദൂർ പാലത്തിനു സമീപം പുഴയില്‍ കുളിക്കുന്നതിനിടെ കാണാതാവുകയായിരുന്നു. ഒരുമണിക്കൂറിലേറെ നീണ്ട പരിശ്രമത്തിനൊടുവിലാണ് അലന്റെ മൃതദേഹം കണ്ടെത്തിയത്. ഇതിന് മുമ്പും ഇത്തരത്തിൽ മരണങ്ങൾ സംഭവിച്ചിരുന്നു

ഇന്ന് താപനില സാധാരണയേക്കാൾ മൂന്ന് ഡിഗ്രി വരെ ഉയരുമെന്നാണ് മുന്നറിയിപ്പ്. പാലക്കാട് ജില്ലയിൽ 40 ഡിഗ്രി, കൊല്ലത്ത് 38 ഡിഗ്രി, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ 37 ഡിഗ്രി, തിരുവനന്തപുരത്ത് 36 ഡിഗ്രി സെൽഷ്യസ് വരെയും താപനില ഉയരുമെന്നാണ് മുന്നറിയിപ്പ്. പകൽ 11 മുതൽ 3 മണി വരെ നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കണമെന്ന് മുന്നറിയിപ്പ്.

മീഞ്ചന്ത അരക്കിണറിൽ ബന്ധുവിന്റെ ഗൃഹപ്രവേശന ചടങ്ങിൽ പങ്കെടുത്ത ശേഷം ഇന്നലെ ബെംഗളൂരുവിലേക്ക് തിരിച്ചുപോകുന്നതിനിടെയായിരുന്നു ദുരന്തം. ഉച്ചയ്ക്ക് ഒരു മണിയോടെ ദേശീയപാത 766-ൽ ഗുണ്ടൽപേട്ടിന് ഒരു കിലോമീറ്റർ മുൻപ് മല്ലയനപുര ഗേറ്റിലായിരുന്നു അപകടം. എതിർദിശയിൽ വന്ന മണൽ കയറ്റിയ ലോറി കാറിലേക്ക് പാഞ്ഞുകയറുകയായിരുന്നു.

അജീറും ആയിഷയും സംഭവസ്ഥലത്തും, നുഹ ആശുപത്രിയിലേക്കുള്ള യാത്രയ്ക്കിടെയുമാണ് മരിച്ചത്. ഗുരുതരമായി പരിക്കേറ്റ് മൈസൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്ന നഹിയാൻ രാത്രി പത്തുമണിയോടെയാണ് മരണപ്പെട്ടത്. മുഹമ്മദ് അജീർ പത്ത് വർഷത്തിലേറെയായി ബെംഗളൂരുവിൽ സ്ഥിരതാമസക്കാരനായിരുന്നു. ആയിഷ നൂറി ബെംഗളൂരുവിൽ കോളജ് അധ്യാപികയായി സേവനമനുഷ്ഠിച്ചു വരികയായിരുന്നു.

എന്താണ് ‘ഗോൾഡൻ ഹവർ’?

നിങ്ങൾ ഒരാൾക്ക് 10,000 രൂപയ്ക്ക് മുകളിൽ അയച്ചാൽ, നിങ്ങളുടെ അക്കൗണ്ടിൽ നിന്ന് പണം ഉടൻ കുറയുമെങ്കിലും ലഭിക്കേണ്ട ആൾക്ക് അത് ഒരു മണിക്കൂർ കഴിഞ്ഞേ ലഭ്യമാകൂ. ഈ ഒരു മണിക്കൂർ സമയത്തെയാണ് ‘ഗോൾഡൻ ഹവർ’ എന്ന് വിളിക്കുന്നത്.പണം അയച്ചതിൽ എന്തെങ്കിലും തെറ്റുപറ്റിയെന്നോ തട്ടിപ്പിന് ഇരയായെന്നോ ഈ ഒരു മണിക്കൂറിനുള്ളിൽ തോന്നിയാൽ അയച്ചയാൾക്ക് ആ ഇടപാട് റദ്ദാക്കാൻ (Cancel) സാധിക്കും.

ആരെയൊക്കെ ബാധിക്കും?

വ്യക്തിഗത ഇടപാടുകൾ (P2P): സുഹൃത്തുക്കൾക്കോ ബന്ധുക്കൾക്കോ നേരിട്ട് പണം അയക്കുമ്പോൾ മാത്രമാണ് ഈ നിയന്ത്രണം ബാധകമാവുക. വ്യാപാര ഇടപാടുകൾക്ക് ഇളവ്: കടകളിലും മറ്റും ക്യുആർ കോഡ് (QR Code) ഉപയോഗിച്ച് നടത്തുന്ന വ്യാപാര ഇടപാടുകളെ (P2M) ഇതിൽ നിന്ന് ഒഴിവാക്കിയിട്ടുണ്ട്. അതിനാൽ ദൈനംദിന പർച്ചേസുകൾക്ക് തടസ്സമുണ്ടാകില്ല.

എന്തുകൊണ്ട് ഈ മാറ്റം?

രാജ്യത്ത് ഓൺലൈൻ പണമിടപാട് തട്ടിപ്പുകൾ വർദ്ധിച്ചു വരുന്ന സാഹചര്യത്തിലാണ് ആർബിഐ ഇങ്ങനെയൊരു ചർച്ചാ രേഖ (Discussion Paper) പുറത്തിറക്കിയത്. നിമിഷങ്ങൾക്കുള്ളിൽ പണം കൈമാറ്റം ചെയ്യപ്പെടുമ്പോൾ, തട്ടിപ്പ് തിരിച്ചറിഞ്ഞാലും പണം തിരിച്ചുപിടിക്കാൻ സാധിക്കാത്ത അവസ്ഥയുണ്ട്. പുതിയ മാറ്റം വരുന്നതോടെ തട്ടിപ്പുകാരുടെ അക്കൗണ്ടിലേക്ക് പണം എത്തുന്നതിന് മുൻപ് തന്നെ അത് തടയാൻ ഉപയോക്താവിന് കഴിയും.

ശ്രദ്ധിക്കുക: ഈ നിർദ്ദേശം നിലവിൽ ചർച്ചാ ഘട്ടത്തിലാണ്. പൊതുജനങ്ങളുടെയും ബാങ്കുകളുടെയും അഭിപ്രായം തേടിയ ശേഷം മാത്രമേ ഇത് ഔദ്യോഗികമായി നടപ്പിലാക്കുകയുള്ളൂ.

30.04.2026-ാം തീയതിക്കുള്ളിൽ പിഴ തുക അടയ്ക്കുന്നവർക്കാണ് ഇളവ് അനുവദിച്ചിട്ടുള്ളത്. കൂടുതൽ വിവരങ്ങൾക്കും ഇളവ് ലഭിക്കുന്നതിനുമായി https://services.mvd.kerala.gov.in എന്ന പോർട്ടൽ സന്ദർശിക്കുക. മോട്ടോർ വാഹനവകുപ്പിന്റെ സോഷ്യൽ മീഡിയ പേജിലാണ് പിഴകൾക്ക് ഇളവ് സംബന്ധിച്ച വിവരങ്ങൾ മോട്ടോർ വാഹന വകുപ്പ് പങ്കുവെച്ചിരിക്കുന്നത്.കോടതിക്ക് സമർപ്പിക്കപ്പെട്ട ചെല്ലാനുകൾ സ്കീമിന്റെ ഭാ​ഗമായി 50 ശതമാനം ഇളവോടെ അടച്ചു തീർക്കുന്നതിനായി ബന്ധപ്പെട്ട ആർ ടി ഓഫീസുമായോ പൊലീസ് സ്റ്റേഷനുമായോ ബന്ധപ്പെടാവുന്നതുമാണെന്നും അറിയിച്ചിട്ടുണ്ട്.

One Time Challan Settlement Under Amnesty Scheme പ്രകാരമാണ് 50 ശതമാനം ഇളവോടെ പിഴ അടയ്ക്കാൻ സാധിക്കുന്നത്. പോർട്ടൽ സന്ദർശിച്ച് വാ​ഹനത്തിന്റ നമ്പരും ചേസിസ് നമ്പരും ഫോൺ നമ്പരും നൽകിയാൽ ചെല്ലാന്റെ ഡീറ്റിയെൽസ് ലഭിക്കും. ശ്രദ്ധിക്കുക വെർച്വൽ കോർട്ടിലേക്ക് ഫോർവേഡ് ചെയ്യപ്പെട്ട ചെല്ലാനുകൾ പോർട്ടലിൽ ലഭ്യമല്ല.

രാജ്യത്താകെ ദീര്‍ഘകാല ശരാശരിയുടെ 92 ശതമാനം മഴ മാത്രമേ ഇത്തവണ ലഭിക്കാന്‍ സാധ്യതയുള്ളൂ എന്നാണ് വിലയിരുത്തല്‍. കാലവര്‍ഷത്തിന്റെ രണ്ടാം പകുതിയിലായിരിക്കും (ഓഗസ്റ്റ്, സെപ്റ്റംബര്‍) മഴയുടെ അളവില്‍ ഗണ്യമായ കുറവ് അനുഭവപ്പെടുകയെന്ന് കാലാവസ്ഥാ നിരീക്ഷണകേന്ദ്രം ഡയറക്ടര്‍ നീത കെ. ഗോപാല്‍ വ്യക്തമാക്കി. നേരത്തെ 2016-ലും 2024-ലും കേരളത്തില്‍ ഉഷ്ണതരംഗം ഉണ്ടായത് എല്‍നിനോ വര്‍ഷങ്ങളിലായിരുന്നു. മഴ കുറയുന്നതോടെ ചൂട് വര്‍ദ്ധിക്കുമോ എന്ന ആശങ്കയും നിലനില്‍ക്കുന്നുണ്ട്.

ഇത്തവണ കേരളത്തില്‍ വേനല്‍മഴയുടെ അളവിലും വലിയ കുറവാണ് രേഖപ്പെടുത്തിയിട്ടുള്ളത്. കാലവര്‍ഷം എന്ന് തുടങ്ങുമെന്ന ഔദ്യോഗിക പ്രവചനം മേയ് ആദ്യവാരം ഉണ്ടാകും. സ്‌കൈമെറ്റ് പോലുള്ള സ്വകാര്യ ഏജന്‍സികള്‍ സാധാരണ മഴ പ്രവചിക്കുന്നുണ്ടെങ്കിലും കാലാവസ്ഥാ വകുപ്പിന്റെ എല്‍നിനോ മുന്നറിയിപ്പ് ആശങ്കയോടെയാണ് കാര്‍ഷിക മേഖലയും മറ്റും നോക്കിക്കാണുന്നത്.

വിഷുവം എന്നാൽ തുല്യമായത് എന്നർത്ഥം. രാവും പകലും തുല്യമായി വരുമ്പോൾ വിഷു ആഘോഷം. കണി കണ്ടും കൈനീട്ടം കൊടുത്തും വാങ്ങിയും പുതുവസ്ത്രങ്ങൾ അണിഞ്ഞും ഒന്നിച്ചിരുന്ന സദ്യയുണ്ടും വിളവെടുപ്പുൽസവം ആഘോമാക്കുന്നു. തേച്ചൊരുക്കിയ ഓട്ടുരുളിയിൽ അരിയും നെല്ലും, അലക്കിയ, മുണ്ടും, പൊന്നും, വാൽക്കണ്ണാടിയും, കണിവെള്ളരിയും, കണിക്കൊന്നയും, പഴുത്ത അടയ്ക്കയും വെറ്റിലയും, കണ്മഷി, ചാന്ത്, സിന്തൂരം, നാരങ്ങ എന്നിവയും കിഴക്കോട്ട് തിരിയിട്ട് കത്തിച്ച നിലവിളക്കും, നാളികേരപാതിയും, ശ്രീകൃഷ്‌ണന്റെ വിഗ്രഹവും വെച്ചാണ് വിഷുക്കണി ഒരുക്കുക.

കണിക്കൊന്ന പൂക്കൾ വിഷുക്കണിയിൽ നിർബന്ധമാണ്. കത്തിച്ച ചന്ദനത്തിരിയും, വെള്ളം നിറച്ച ഓട്ടുകിണ്ടിയും, പുതിയ കസവുമുണ്ടും അടുത്തുണ്ടാവണം എന്നാണ് വിശ്വാസം. കണി കണ്ടതിനുശേഷം ഗൃഹനാഥൻ കുടുംബാംഗങ്ങൾക്ക് വിഷുക്കൈനീട്ടം നൽകുന്നു. ആദ്യകാലങ്ങളിൽ സ്വർണ്ണം, വെള്ളി എന്നിവയിൽ ഉണ്ടാക്കിയ നാണയങ്ങളാണ് നൽകിയിരുന്നത്.

ഓണം വിരിപ്പുകൃഷിയുമായി ബന്ധപ്പെട്ടാണെങ്കിൽ വിഷു വേനൽ പച്ചക്കറി വിളകളുമായി ബന്ധപ്പെട്ടാണ് ആചരിക്കുന്നത് വിഷു സദ്യക്ക് മുൻപായി നിലം ഉഴുതുമറിച്ച് ചാലിടീൽ നടത്തുന്നു. സദ്യ കഴിഞ്ഞ് കൈക്കോട്ട് കഴുകി കുറി വരച്ച് വീടിൻറെ കിഴക്ക് പടിഞ്ഞാറ് ഭാഗത്ത് കൊത്തിക്കിളച്ച് കുഴിയെടുത്ത് നവധാന്യങ്ങൾ വിതക്കുന്നു. വിഷുക്കരിക്കൽ, വിഷുവേല, വിഷുവെടുക്കൽ, പത്താമുദയം എന്നിവ വിഷുവിനോട് അനുബന്ധിച്ച് നടക്കുന്ന ആചാരങ്ങളാണ്. വിഷുവിനോടനുബന്ധിച്ച് മാറ്റച്ചന്തകളുമുണ്ട്. നാണയമില്ലാതെ കച്ചവടം നടത്തിയിരുന്ന പഴയകാലത്തിൻറെ ഓർമപുതുക്കലാണ് മാറ്റച്ചന്തകൾ.

വിഷുവുമായി ബന്ധപ്പെട്ട് ഐതിഹ്യങ്ങളും പലതുണ്ട്. ശ്രീകൃഷ്ണ‌ൻ നരകാസുരനെ വധിച്ച ദിവസമാണ് വിഷുമെന്നും രാവണന് മേൽ രാമൻ നേടിയ വിജയമാണ് വിഷുവെന്നും രാവണൻറെ കൊട്ടാരത്തിൽ വെയിൽ തട്ടിയത് ഇഷ്ടപ്പെടാതെ സൂര്യൻ നേരെ ഉദിക്കാൻ രാവണൻ സമ്മതിച്ചില്ലെന്നും രാവണനെ രാമൻ വധിച്ചശേഷമാണ് സൂര്യൻ നേരെ ഉദിച്ചതാണ് വിഷുവായി ആഘോഷിക്കുന്നതെന്നും മറ്റൊരു വിശ്വാസം ഉണ്ട്. ഏത് വേനലിലും നിറയെ പൂക്കുന്ന കണിക്കൊന്ന ഒരു പ്രതീക്ഷയാണ്. കഷ്‌ടതയുടെ കാലം മാറി സമൃദ്ധിയുടെ, ഐശ്വര്യത്തിന്റെ്റെ സമാധാനത്തിൻറെ പുലരിയിക്കായുള്ള പ്രതീക്ഷ.

ഇന്ന് പുലർച്ചെ അഞ്ചരയോടെയായിരുന്നു കോഴിക്കോട് ചെലവൂരിൽ നാടിനെ നടുക്കിയ കൊലപാതകം. വീട്ടുകാരുടെ ബഹളം കേട്ട് നാട്ടുകാർ ഓടിയെത്തുകയായിരുന്നു. കള്ളൻ കയറിയെന്ന് ആണ് ആദ്യം കരുതിയത്. തുടർന്ന് പരിശോധിച്ചപ്പോഴാണ് പെൺകുട്ടിയെ മുകൾ നിലയിലെ കിടപ്പുമുറിയിൽ കൊല്ലപ്പെട്ട നിലയിൽ കണ്ടെത്തിയത്. ചെലവൂർ സ്വദേശിനി 16 കാരിയായ നസ്റീനയാണ് കൊല്ലപ്പെട്ടത്. ബന്ധുവായ കൊളത്തറ സ്വദേശി അദിനാനാണ് ക്രൂരകൃത്യം ചെയ്തത്. പെൺകുട്ടിയുടെ മുത്തശ്ശിയെ ശ്വാസം മുട്ടിച്ച് കൊല്ലാനും യുവാവ് ശ്രമിച്ചു.

പെൺകുട്ടിയുടെ മൃതദേഹം കണ്ട ഉടനെ അദിനാനെ മുകളിലെ നിലയിലെ മുറിയിൽ പൂട്ടിയിട്ടാണ് പതിനാറുകാരിയുമായി വീട്ടുകാർ ആശുപത്രിയിൽ പോയത്. മടങ്ങിയെത്തി മുറി തുറന്നപ്പോൾ യുവാവിന്റെ മുഖത്ത് സേല്ലോ ടേപ്പ് ചുറ്റി മരിച്ചനിലയിൽ കണ്ടെത്തുകയായിരുന്നു. ബന്ധുവായ അദിനാൻ പെൺകുട്ടിയുടെ വീട്ടിലായിരുന്നു താമസം. യുവാവിൻ്റെ സ്വഭാവ ദൂഷ്യം പെൺകുട്ടി കണ്ടുപിടിച്ചതിന് പിന്നാലെ അദിനാനെ വീട്ടിൽ നിന്നും പുറത്താക്കിയിരുന്നു. ഈ പകയാണ് കൊലപാതകത്തിന് കാരണമെന്നാണ് നിഗമനം.