കോഴിക്കോട് ആംബുലൻസ് ട്രാൻസ്ഫോർമറിൽ ഇടിച്ച് തീപിടിച്ചു. ആംബുലൻസിൽ ഉണ്ടായിരുന്ന രോഗി വെന്തു മരിച്ചു. നാദാപുരം സ്വദേശി സുലോചന ആണ് മരിച്ചത്.ഇന്ന് പുലർച്ചെ മൂന്നരയോടെയാണ് അപകടം നടന്നത്. മിംസ് ഹോസ്‌പിറ്റലിന് തൊട്ടു മുമ്പാണ് അപകടം. ഏഴ് പേരാണ് വാഹനത്തിൽ ഉണ്ടായിരുന്നത്.ആംബുലസിൽ ഉണ്ടായിരുന്ന മറ്റുള്ളവർക്കും പരുക്കേറ്റു. ഇവരെ സമീപത്തെ ആശുപത്രിയിലേക്ക് മാറ്റി.
സുലോചനയ്ക്ക് പുറമെ, സുലോചനയുടെ ഭർത്താവ് ചന്ദ്രൻ, അയൽവാസി പ്രസീത, രണ്ട് നഴ്‌സുമാർ, ഒരു ഡോക്ടർ, ആംബുലൻസ് ഡ്രൈവർ എന്നിവരാണ് അപകടസമയം ആംബുലൻസിൽ ഉണ്ടായിരുന്നത്. മിംസ് ആശുപത്രിയെത്താൻ 500 മീറ്റർ അകലെയാണ് അപകടം സംഭവിച്ചത്. അപകടകാരണത്തെ കുറിച്ച് വ്യക്തമല്ല. സംഭവത്തിൽ പോലീസ് കേസെടുത്തു
