ബത്തേരി: കടം വാങ്ങിയ തുക തിരിച്ചു ചോദിച്ചയാളെ കൊലപ്പെടുത്താൻ ശ്രമിച്ച മദ്ധ്യവയസ്‌കനെ ബത്തേരി പോലീസ് അറസ്റ്റ് ചെയ്തു. കിടങ്ങനാട്, കല്ലൂർകുന്ന് കാട്ടുനായക്ക കോളനിയിലെ രാജു(42)വിനെയാണ് എസ്.ഐ എ. സന്തോഷ് കുമാറിൻ്റെ നേതൃത്വത്തിൽ അറസ്റ്റ് ചെയ്തത്. മെയ് 13ന് രാത്രി 10 മണിക്കാണ് സംഭവം. കടം വാങ്ങിയ 500 രൂപ തിരിച്ചു ചോദിച്ചതിലുള്ള വിരോധത്തിലാണ് കല്ലൂർകുന്ന് കാട്ടുനായക്ക കോളനിയിലെ 55 വയസുകാരനെ രാജു തടഞ്ഞുവെച്ച് വാക്കത്തി കൊണ്ട് തലക്ക് വെട്ടിയത്. ഒഴിഞ്ഞുമാറിയത് കൊണ്ടാണ് രക്ഷപ്പെട്ടത്.
