പാലക്കാട് : പത്തിരിപ്പാലയിൽ നിന്ന് കാണാതായ മൂന്ന് വിദ്യാർഥികളെ കണ്ടെത്തി. വയനാട് പുൽപ്പള്ളിയിൽ നിന്നാണ് ഇന്നലെ രാത്രിയോടെ കുട്ടികളെ കണ്ടെത്തിയത്. 10-ാം ക്ലാസ് വിദ്യാർഥികളായ അതുൽ കൃഷ്ണ, ആദിത്യൻ, ഏഴാം ക്ലാസ് വിദ്യാർഥി അനിരുദ്ധ് എന്നിവരെയാണ് കാണാതായത്. രാവിലെ സ്‌കൂളിലേക്ക് ഇറങ്ങിയ കുട്ടികളെയാണ് കാണാതായത്.കുട്ടികൾ സ്‌കൂളിൽ എത്താത്തത് വീട്ടിലേക്ക് വിളിച്ച് അന്വേഷിച്ചപ്പോഴാണ് ഇവരെ കാണാതായ വിവരം മനസിലായത്. തുടർന്ന് രക്ഷിതാക്കളുടെ പരാതിയിൽ പോലീസ് അന്വേഷണം നടത്തുകയായിരുന്നു.2000 രൂപയുമായാണ് കുട്ടികൾ വീടുവിട്ടിറങ്ങിയത്. തുടർന്ന് വയനാട് പുൽപ്പള്ളിയിൽ നിന്നാണ് ഇന്നലെ രാത്രിയോടെ കുട്ടികളെ കണ്ടെത്തിയത്.
