ബത്തേരി: കേരള ചിത്രകലാ പരിഷത്ത് വയനാട് ജില്ലാ കമ്മിറ്റി സംഘടിപ്പിക്കുന്ന വർണ്ണമഴ ചിത്രകലാ ക്യാമ്പ് ബത്തേരിയിൽ നാളെ ജൂൺ 30ന് രാവിലെ 10 മുതൽ വൈകിട്ട് 4 വരെ നടക്കും.
ജില്ലയിലെ നൂറോളം ചിത്രകാരന്മാർ ക്യാമ്പിൽ പങ്കെടുക്കും.സംസ്ഥാന ട്രഷറർ ഷാജി പാമ്പള ഉദ്ഘാടനം ചെയ്യും.ഈ വർഷത്തെ മികച്ച സിനിമ കലാസംവിധായകനുള്ള ഫിലിം ക്രിട്ടിക്സ് അവാർഡ് ലഭിച്ച ചിത്രകല പരിഷത്ത് പ്രവർത്തകൻ സുരേഷ് കൃഷ്ണയെ വർണ്ണ മഴ ചിത്രകല ക്യാമ്പിൽ കേരള ചിത്രകല പരിഷത്ത് ചിത്രകാരന്മാർ ആദരിക്കും.ക്യാമ്പിനോടനുബന്ധിച്ച് ജോയ് പാലക്കമൂലയുടെ പുസ്തകത്തിൻ്റെ പ്രകാശനവും നടക്കും. പി കെ സത്താറിൽ നിന്ന് ഏച്ചോം ഗോപി പുസ്തകം ഏറ്റുവാങ്ങും.ചിത്രകലാ ക്യാമ്പിൽ പങ്കെടുക്കാൻ താല്പര്യമുള്ളവർക്ക് ബന്ധപ്പെടാം. 90618 97484
