കൊച്ചി: യുകെയിൽ ജോലിസ്ഥലത്തുണ്ടായ അപകടത്തിൽ മലയാളി യുവാവ് മരിച്ചു. പെരുമ്പാവൂർ കാലടി കോട്ടമറ്റം സ്വദേശി റെയ്ഗൻ ജോസ്(36) ആണ് മരിച്ചത്. തലയ്ക്കേറ്റ പരിക്കാണ് മരണകാരണമെന്ന് വിവരം. നാല് മാസം മുമ്പാണ് റെയ്ഗൻ യുകെയിലേക്ക് പോയത്. ജോലിസ്ഥലത്തുണ്ടായ അപകടത്തിലാണ് യുവാവ് മരിച്ചതെന്ന് നാട്ടിലെ ബന്ധുക്കളെ അറിയിച്ചിരിക്കുന്നത്. അപകടത്തെക്കുറിച്ച് കൂടുതൽ വിവരങ്ങൾ ലഭ്യമായിട്ടില്ല. രണ്ട് ദിവസം മുമ്പാണ് റെയ്ഗൻ പുതിയ കമ്പനിയിൽ ജോലിക്ക് കയറിയത്. റെയ്ഗന്റെ ഭാര്യ യുകെയിൽ നഴ്സാണ്. ഇവർക്ക് നാല് വയസുള്ള കുട്ടിയുണ്ട്.
