കൽപ്പറ്റ: തൃശൂർ കുന്നംകുളത്ത് വെച്ച് നടക്കുന്ന സംസ്ഥാന ചാമ്പ്യൻഷിപ്പിൽ പങ്കെടുക്കുന്ന വയനാട് ജില്ലാ ജൂനിയർ ഫുട്ബോൾ ടീമിൻ്റെ ജേഴ്സി പ്രകാശനം ചെയ്തു. ജില്ലാ ഫുട്ബോൾ അസോസിയേഷൻ ഓഫീസിൽ വെച്ച് നടന്ന ചടങ്ങിൽ ജില്ലാ ഫുട്ബോൾ അസോസിയേഷൻ പ്രസിഡണ്ട് കെ റഫീഖ് ജേഴ്സി പ്രകാശനം ചെയ്തു. 20 അംഗ ടീമിൽ ആദിത്യൻ ആണ് ക്യാപ്റ്റൻ. പ്രത്യുഷ് വൈസ് ക്യാപ്റ്റൻ. സുഹൈൽ മുഖ്യ പരിശീലകനും സജൽ ഉപപരിശീലകനുമാണ്. ചടങ്ങിൽ സിറാജ് വി , ഡിക്സൺ, സജൽ, ഫിറോസ് ബാബു എന്നിവർ സംസാരിച്ചു.
