പൂനെ ലോണാവാലയിൽ മലവെള്ളപ്പാച്ചിലിൽ പെട്ട് കാണാതായ നാലുവയസുകാരൻ്റെ മൃതദേഹം കണ്ടെത്തി. ഒഴുക്കിൽപെട്ട് മരിച്ചത് ആകെ 5 പേർ. മൃതദേഹങ്ങൾ എല്ലാം കണ്ടെടുത്തതോടെ തെരച്ചിൽ അവസാനിപ്പിച്ചു.
ഒരു സ്ത്രീയും നാല് കുട്ടികളുമാണ് മരിച്ചത്. ഞായറാഴ്ച്ച പന്ത്രണ്ടരയോടെയാണ് ഒരു കുടുംബത്തിലെ അഞ്ച് പേർ മലവെള്ളപ്പാച്ചിലിൽ ഒഴുക്കിൽ പെട്ടത്. വിനോദസഞ്ചാരത്തിനായി പുനെയിൽ നിന്നെത്തിയ 17 അംഗ സംഘത്തിൽ പെട്ടവരായിരുന്നു ഇവർ.സംഭവം നടന്ന സ്ഥലത്തുനിന്നും ഏതാണ് 100 മീറ്റർ അകലെയുള്ള ഖുഷി അണക്കെട്ടിൽ വെച്ചാണ് മൃതദേഹം കിട്ടിയത്. ഇതോടെ മരണം അഞ്ചായി. അപകടം നടന്ന പ്രദേശത്തെ വിനോദസഞ്ചാരം പൂർണ്ണമായും നിരോധിച്ചു.
