തിരുവനന്തപുരം: വിദ്യാഭ്യാസ സർട്ടിഫിക്കറ്റുകളുടെ വ്യാജ അറ്റസ്റ്റേഷനുകൾക്കെതിരെ ജാഗ്രത പാലിക്കണമെന്ന് അധികൃതർ. സംസ്ഥാനത്ത് വിദ്യാഭ്യാസ സർട്ടിഫിക്കറ്റുകൾ സാക്ഷ്യപ്പെടുത്തുന്നതിന് കേന്ദ്ര-കേരള ഗവൺമെന്റുകൾ അധികാരപ്പെടുത്തിയിട്ടുള്ള ഏക സ്ഥാപനമാണ് നോർക്ക റൂട്ട്സ്. വിദേശത്തേക്ക് ഉപരിപഠനത്തിനോ തൊഴിൽപരമായോ പോകുമ്പോൾ നിങ്ങളുടെ വിദ്യാഭ്യാസ സർട്ടിഫിക്കുകൾ അധികാരമാണെന്ന് വ്യക്തമാക്കുന്നതിനാണ് അറ്റസ്റ്റേഷൻ. സ്ഥാപനങ്ങളും ഇടനിലക്കാരും വഴി ഇത്തരത്തിൽ വിദ്യാഭ്യാസ സർട്ടിഫിക്കറ്റുകൾ സാക്ഷ്യപ്പെടുത്തുന്നത് നിയമവിരുദ്ധമാണ്.
ഇക്കാര്യത്തിൽ ഉദ്യോഗാർത്ഥികൾ ജാഗ്രതപാലിക്കണമെന്ന് നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശ്ശേരി അറിയിച്ചു. അറ്റസ്റ്റേഷൻ സേവനങ്ങൾക്കായി www.norkaroots.org എന്ന വെബ്സൈറ്റിൽ രജിസ്റ്റർ ചെയ്തശേഷം തിരുവനന്തപുരം, എറണാകുളം, 2 കോഴിക്കോട് സർട്ടിഫിക്കറ്റ് ഒതന്റിക്കേഷൻ സെൻ്ററുകളിൽ നിന്നും സേവനം ലഭിക്കും. പരമ്പരാഗത മഷിമുദ്രകൾക്കുപകരം 23-ഓളം സുരക്ഷാ ഫീച്ചറുകൾ ഉൾക്കൊളിച്ചുളള ഹൈസെക്യുരിറ്റി ഹോളോഗ്രാം എംബാഡ് അഡ്ഹസീവ് ലേബൽ, ക്യൂ.ആർ കോഡ് എന്നിവ ആലേഖനം ചെയ്‌ത അറ്റസ്റ്റേഷൻ സംവിധാനമാണ് നോർക്ക റൂട്ട്സിലേത്.
ഹോം അറ്റസ്റ്റേഷൻ, എം.ഐ.എ (മിനിസ്ട്രി ഓഫ് എക്സ്റ്റേണൽ അഫയേഴ്സ്) സാക്ഷ്യപ്പെടുത്തൽ, വിവിധ എംബസികളുടെ സാക്ഷ്യപ്പെടുത്തൽ, 100 ലധികം രാജ്യങ്ങളിൽ അംഗീകാരമുള്ള അപ്പോസ്‌റ്റൽ അറ്റസ്റ്റേഷൻ സേവനങ്ങൾ എന്നിവയും നോർക്ക റൂട്ട്സ് വഴിയും ലഭ്യമാണ്. ഉദ്യോഗാർത്ഥികൾക്ക് നേരിട്ടോ അല്ലെങ്കിൽ ചുമതലപ്പെടുത്തുന്ന വ്യക്തിക്കോ മേൽപ്പറഞ്ഞ സേവനങ്ങൾ ലഭ്യമാകും. ഇത്തരം സേവനങ്ങൾക്കായി നോർക്ക റൂട്ട്സ് മറ്റാരേയും ചുമതലപ്പെടുത്തിയിട്ടില്ല. കൂടുതൽ വിവരങ്ങൾക്ക് 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെൻ്റിൻ്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ ៣) +91-8802 012 345 (വിദേശത്തുനിന്നും, മിസ്സ്‌ഡ് കോൾ സർവ്വീസ്) ബന്ധപ്പെടാവുന്നതാണ്.
