ബെർലിൻ: അവസാനമിനിറ്റുകളിൽ തുർക്കി പ്രതിരോധത്തെ പൊളിച്ച് രണ്ട് തവണ വലകുലുക്കി ഓറഞ്ച് പട യൂറോ കപ്പിന്റെ സെമിയിലെത്തി. ഒന്നിനെതിരേ രണ്ടുഗോളുകൾക്കാണ് നെതർലൻഡ്സിന്റെ വിജയം. ഒരു ഗോളിന് പിന്നിട്ടുനിന്ന ഡച്ച് പട അവസാനനിമിഷം രണ്ടുഗോളടിച്ചാണ് വിജയിച്ചത്. 35-ാം മിനിറ്റിൽ സാമത്ത് അകയ്ഡിനാണ് തുർക്കിയ്ക്കായി ഗോളടിച്ചത്. എന്നാൽ 70-ാം മിനിറ്റിൽ സ്റ്റീഫൻ ഡി വ്രിജിന്റേയും 76-ാം മിനിറ്റിലെ തുർക്കി താരം മെർട് മുൾഡറുടെ സെൽഫ് ഗോളുമാണ് നെതർലൻഡ്‌സിനെ മുന്നിലെത്തിച്ചത്. മത്സരത്തിലുടനീളം ഇരുടീമുകളും മികച്ച മുന്നേറ്റങ്ങൾ നടത്തി. സെമിയിൽ ഇംഗ്ലണ്ടാണ് നെതർഡലൻഡ്‌സിന്റെ എതിരാളികൾ
