തൃശൂര്‍; ഒന്നര വയസുകാരിയെ കിണറ്റില്‍ മരിച്ച നിലയില്‍ കണ്ടെത്തി. സുരേഷ് – ജിഷ ദമ്പതികളുടെ മകളായ അമയയെയാണ് വീട്ടിലെ കിണറ്റില്‍ മരിച്ച്‌ കിടക്കുന്ന രീതിയില്‍ കണ്ടെത്തിയത്.സംഭവം നടന്നത് ഇന്നലെ രാത്രി 11.15നായിരുന്നു. കുട്ടിയുടെ മാതാവ് അയല്‍ വീട്ടിലെത്തി കുട്ടി കിണറ്റില്‍ വീണ് കിടക്കുന്നുവെന്ന് അറിയിച്ചതിനെ തുടര്‍ന്ന് നാട്ടുകാർ വിവരമറിയുകയായിരുന്നു.തുടര്‍ന്ന് നാട്ടുകാർ പോലീസില്‍ വിവരമറിയിക്കുകയും പിന്നാലെ ഫയര്‍ ഫോഴ്‌സിനെ വിളിച്ച്‌ വരുത്തിയാണ് കുട്ടിയെ പുറത്തെടുത്തത്. സംഭവത്തില്‍ പോലീസ് പ്രാഥമിക അന്വേഷണം തുടങ്ങി.
