ന്യൂജഴ്സി: യുറഗ്വായെ തകർത്ത് കൊളംബിയ ഫൈനലിൽ ഇതോടെ കോപ്പ അമേരിക്ക കലാശപ്പോരിന്റെ ചിത്രം വ്യക്തമായി. ജൂലായ് 15 തിങ്കളാഴ്ച പുലർച്ചെ നടക്കുന്ന ഫൈനലിൽ കൊളംബിയയാണ് അർജൻ്റീനയുടെ എതിരാളി. രണ്ടാം സെമി ഫൈനലിൽ യുറഗ്വായ്ക്കെതിരേ ഏകപക്ഷീയമായ ഒരു ഗോളിന് ജയിച്ചാണ് കൊളംബിയ കലാശക്കളിക്ക് യോഗ്യത നേടിയത്.39-ാം മിനിറ്റിൽ ജെഫേഴ്‌സൺ ലേമയുടെ ഗോളിലൂടെയാണ് കൊളംബിയൻ മുന്നേറ്റം
സൂപ്പർ താരം ജെയിംസ് റോഡ്രിഗസിന്റെ അസിസ്റ്റിൽനിന്നാണ് കൊളംബിയയുടെ ഗോൾ വന്നത്. കൊളംബിയക്ക് അനുകൂലമായി ലഭിച്ച കോർണർ, റോഡ്രിഗസ് പെനാൽറ്റി ബോക്സിലേക്ക് കൈമാറുകയും ഉയർന്നു ചാടി മികച്ച ഹെഡറിലൂടെ ലേമ അത് ഗോളാക്കി മാറ്റുകയുമായിരുന്നു. മിന്നും ഫോം തുടരുന്ന റോഡ്രിഗസിന്റെ്റെ ടൂർണമെന്റ്റിലെ ആറാമത്തെ അസിസ്റ്റാണിത്.
ഇതോടെ ഒരു കോപ്പ അമേരിക്കയിൽ ഏറ്റവും കൂടുതൽ അസിസ്റ്റ് നൽകുന്ന താരമെന്ന റെക്കോഡ് റോഡ്രിഗസിന് സ്വന്തമായി. 2021 കോപ്പ ജേതാക്കളായ അർജൻ്റെൻ താരം ലയണൽ മെസ്സിയുടെ പേരിൽ നിലനിന്ന അഞ്ച് അസിസ്റ്റുകളുടെ റെക്കോഡാണ് റോഡ്രിഗസ് മറികടന്നത്.
