കൽപ്പറ്റ: ആകാശ് തില്ലങ്കേരി വയനാട്ടിലെ പനമരം നഗരത്തിലൂടെ ഓടിച്ച വിവാദവാഹനം പൊലീസ് കസ്റ്റഡിയിലെടുത്തു. കഴിഞ്ഞ ഞായറാഴ്ച വൈകുന്നേരത്തെ നമ്പറായിരുന്നു പ്ലേറ്റില്ലാതെ സുഹൃത്തുക്കളുമായി വാഹനം ഓടിച്ചത്. ടയർ വാഹനങ്ങളുടെ രൂപം മാറ്റം വരുത്തിയതായിരുന്നു.സീറ്റ് ബെൽറ്റ് ധരിക്കാതെ അപകടകരമായി വാഹനം ഓടിച്ചതിന് സ്വമേധയാ കേസ് എടുത്ത ഹൈക്കോടതി വാഹനം പിടിച്ചെടുക്കണമെന്ന് ഉത്തരവിട്ടിരുന്നു. വാഹനം കണ്ടെത്താൻ മോട്ടോർ വാഹന വകുപ്പിനോ പൊലീസിനോ കഴിഞ്ഞിരുന്നില്ല.വാഹനം ഇന്നു പനമരം പൊലീസ് കസ്റ്റഡിയിൽ എടുത്തു. ടയറും കൂട്ടിച്ചേർത്ത ഭാഗങ്ങളും അഴിച്ചു മാറ്റിയ നിലയിലാണ് കണ്ടെത്തിയത്. പനമരം പൊലീസ് ഇൻസ്പെക്ടർ വി.സിജിത്തിൻ്റെ നേതൃത്വത്തിലാണ് വാഹനം കസ്റ്റഡിയിൽ എടുത്തത്.
