ബത്തേരി: എം.ഡി.എം.എയുമായി യുവാവ് പിടിയിൽ. കോഴിക്കോട്, മേപ്പയൂർ, പാറക്കണ്ടി വീട്ടിൽ പി.കെ. റമീസ് (24) നെയാണ് എസ്.ഐ പി.എൻ. മുരളീധരൻ്റെ നേതൃത്വത്തിൽ അറസ്റ്റ് ചെയ്തത്. ഇന്നലെ വൈകിട്ട് മുത്തങ്ങ ചെക്‌പോസ്റ്റിന് സമീപം വാഹന പരിശോധനക്കിടെയാണ് .06 ഗ്രാം എം.ഡി.എം.എയുമായി ഇയാൾ പിടിയിലായത്. ഗുണ്ടൽപേട്ട ഭാഗത്ത് നിന്നും ബത്തേരി ഭാഗത്തേക്ക് വരുകയായിരുന്ന ഇയാളുടെ പാൻ്റിൻ്റെ പോക്കറ്റിൽ വിദേശ കറൻസിയിൽ പൊതിഞ്ഞ നിലയിലായിരുന്നു എം.ഡി.എം.എ. എസ്.സി.പി.ഒമാരായ അരുൺജിത്ത്, ഷബീർ അലി, സി.പി.ഒമാരായ ബി.എസ്. വരുൺ, സന്തോഷ് എന്നിവരും പോലീസ് സംഘത്തിലുണ്ടായിരുന്നു.
