കൽപ്പറ്റ: വയനാട്ടിൽ ഇന്നലെ പകൽ ആരംഭിച്ച മഴ ശക്തമായി തുടരുന്നു. രാത്രിയിലെ നിലയ്ക്കാത്ത മഴയിൽ താഴ്ന്ന പ്രദേശങ്ങളിൽ വെള്ളം കയറി. ചെറിയ പുഴകളിലും തോടുകളിലും വെള്ളം നിറഞ്ഞിട്ടുണ്ട്. കോട്ടത്തറ, പനമരം, പടിഞ്ഞാറത്തറ , തരിയോട്, മാനന്തവാടി പുഴയോരങ്ങളിൽ വെള്ളം കയറി. മഴ തുടർന്നാൽ ഇനിയും വെള്ളം ഉയരാൻ സാധ്യത ഉണ്ട്. ജനങ്ങൾ ജാഗ്രത പാലിക്കണമെന്ന് അധികൃതർ അറിയിച്ചു.
