മാനന്തവാടി-കൽപറ്റ റോഡിൽ അഞ്ചുകുന്ന് ഏഴാം മൈലിൽ രാവിലെ എട്ടരയോടെയാണ് അപകടം. മാനന്തവാടിയിൽ നിന്ന് കോഴിക്കോട്ടേയ്ക്ക് പോവുകയായിരുന്ന കെ.എസ്.ആർ.ടി.സി. ബസും, എതിരേവന്ന പിക്കപ്പ് ജീപ്പുമാണ് കൂട്ടിയിടിച്ചത്. അപകടത്തിൽ ജീപ്പിന്റെ മുൻവശം പൂർണമായി തകർന്നു. ജീപ്പ് ഡ്രൈവറും ബസിലെ യാത്രക്കാരുമുൾപ്പടെ 12 പേർക്ക് പരിക്കേറ്റെന്നാണ് പ്രാഥമിക നിഗമനം.പരിക്കേറ്റവരെ വയനാട് മെഡിക്കൽ കോളജാശുപത്രിയിൽ പ്രവേശിപ്പിച്ചു
