തിരുനെല്ലി : വിൽപനക്കായി കൈവശം വെച്ച കഞ്ചാവുമായി യുവാവ് പിടിയിൽ. കോഴിക്കോട്, നാലുവയൽ, പുറക്കാട്ടേരി കോളനി, സജീർ(19)നെയാണ് തിരുനെല്ലി പോലീസ് അറസ്റ്റ് ചെയ്തത്. ഇന്ന് രാവിലെ ബാവലി ചെക്ക്‌പോസ്റ്റിന് സമീപം പട്രോളിംഗ് ഡ്യൂട്ടിക്കിടെയാണ് സജീറിനെ പിടികൂടുന്നത്. 720 ഗ്രാം കഞ്ചാവാണ് പിടിച്ചത്. കറുത്ത പ്ലാസ്റ്റിക് കവറുകൾ സെല്ലോടോപ്പ് ഉപയോഗിച്ച് ഇരു കാലുകളുടെ തുടയിലും ഒട്ടിച്ചു വെച്ച നിലയിലായിരുന്നു കഞ്ചാവ്. എസ്.ഐ സജിമോൻ, ഇ.എസ്.ഐ മെർവിൻ ഡിക്രൂസ്, എസ്.സി.പി.ഒമാരയ ജയ്‌സൺ, സുഷാദ്, സി.പി.ഒ ഷിഹാബ് പോലീസ് സംഘത്തിലുണ്ടായിരുന്നത്.
