ഗൂഡല്ലൂർ : കാട്ടാന കാർ കുത്തിപൊളിച്ചു, തലനാരിഴക്ക് ദമ്പതികൾ രക്ഷപ്പെട്ടു. ത്രീ ഡിവിഷൻ മൊറമ്പിലാവിലെ പി ഷിഹാബും ഭാര്യ ജുബൈരിയുമാണ് രക്ഷപ്പെട്ടത്. ബത്തേരിയിൽ രോഗിയെ സന്ദർശിച്ച് വീട്ടിലേക്ക് മടങ്ങുന്ന വഴിയിൽ ദേവർഷോലയിൽ നിന്ന് ത്രി ഡിവിഷനിലേക്ക് തിരയുന്ന ഭാഗത്ത് വച്ചാണ് കാട്ടാന ആക്രമിച്ചത്. റോഡിൽ നിന്ന കാട്ടാന ഓടി വന്ന് കാറിൻ്റെ ബോണറ്റിലേക്ക് കൊമ്പ് കുത്തിയിറക്കി. കാർ കൊമ്പിൽ കുത്തി കോർത്ത് പൊക്കാനുള്ള ശ്രമമായിരുന്നു. കാറിനകത്ത് നിന്നും കരച്ചിലും ബഹളവും ഉയർന്നതിനാൽ കാട്ടാന പിൻമാറി. വെള്ളിയാഴ്ച രാത്രി 12.30നാണ് കാട്ടാനയുടെ ആക്രമണമുണ്ടായത്. ഈ ഭാഗത്ത് കാട്ടാന ശല്യം രൂക്ഷമായിരിക്കുകയാണ്.
