മേപ്പാടി: ചൂരൽമലയിലെ മണ്ണിടയിൽ നിന്നും സ്വർണവും രേഖകളും അഗ്നിരക്ഷാ സേന നടത്തിയ തിരച്ചിലിൽ കണ്ടെത്തി. സ്കൂളിനു പിന്നിലുള്ള തകർന്ന വീട്ടിൽ നിന്ന് 20 പവൻ ആണ് കിട്ടിയത്. 3 മാല, 2 കൈ ചെയിൻ, 2 വള, 17 കമ്മൽ, 3 മോതിരം, 2 ചുട്ടി എന്നിങ്ങനെയാണ് ലഭിച്ചത്. കൂടാതെ ആധാർ , പാസ്പോർട്ട് രേഖകളും ലഭിച്ചു.
കണ്ടെടുത്ത സ്വർണവും അതിന്റെ കണക്കുകളും റവന്യു വകുപ്പിന്റെ കൺട്രോൾ റൂമിലേക്ക് കൈമാറിയതായി അധികൃതർ പറഞ്ഞു. ഒരു ബാഗിനുള്ളിലായിരുന്നു സ്വർണം സൂക്ഷിച്ചിരുന്നത്.
