മലപ്പുറം: അധ്യാപിക സ്കൂളിൽ കുഴഞ്ഞു വീണു മരിച്ചു. ഇന്ന് ഉച്ചയ്ക്കായിരുന്നു സംഭവം രക്ഷിതാക്കളുമായി സംസാരിച്ചു കൊണ്ടിരിക്കുകയായിരുന്ന ടീച്ചർ പെട്ടെന്ന് കുഴഞ്ഞു വീഴുകയായിരുന്നു. തൃശ്ശൂർ വടക്കേക്കാട് സ്വദേശി ബീവി കെ ബിന്ത് (51) ആണ് മരിച്ചത്. കല്ലൂർ പള്ളിയുടെ സമീപം ആറ്റുപ്പുറം കീക്കോട്ട് സയ്യിദ് ഹൈദ്രോസ് തങ്ങളുടെ മകളും അക്ഷര കോളേജ് ഹാരിസ് തങ്ങളുടെ സഹോദരിയുമാണ് ബീവി കെ ബിന്ത്.
പൊന്നാനി എം ഐ ബോയ്‌സ് ഹയർ സെക്കൻഡറി സ്‌കൂൾ പ്ലസ്ടു അധ്യാപികയാണ്. അറക്കൽ അമീന കുട്ടിയാണ് മാതാവ്. ആദിൽ ഏക മകനാണ്. കബറടക്കം ബുധനാഴ്ച്ച കാലത്ത് 9 മണിക്ക് കല്ലൂർ ജുമാഅത്ത് പള്ളി കബർസ്ഥാനിൽ നടത്തും
