നടവയൽ സെൻറ്.തോമസ് ഹൈസ്കൂളിൽ ‘നവരസ’2024 സ്കൂൾ കലാമേള പൂർത്തിയായി. വിദ്യാർത്ഥികളിലെ സർഗാത്മക കഴിവുകളെ കണ്ടെത്തിയെടുക്കുവാൻ നടത്തപ്പെട്ട ഈ കലാമേളയുടെ ഔപചാരികമായ ഉദ്ഘാടനം അനുഗ്രഹീത നാടൻപാട്ട് കലാകാരൻ ശ്രീ. പ്രകാശൻ മാനന്തവാടി നിർവഹിച്ചു.
ഔപചാരികമായ ഉദ്ഘാടനത്തിൽ സ്കൂൾ പിടിഎ പ്രസിഡണ്ട് ശ്രീ. വിൻസെന്റ് ചേരവേലിൽ അധ്യക്ഷത വഹിച്ചു. ഹയർസെക്കൻഡറി സ്കൂൾ പ്രിൻസിപ്പൽ ശ്രീ.ആൻ്റോ തോമസ് സാർ ,ഹൈസ്കൂൾ വിഭാഗം ഹെഡ്മാസ്റ്റർ ശ്രീ.വർഗീസ് ഇ.കെ, സ്കൂൾ ലീഡർ കുമാരി.ആനി ഇമ്മാനുവൽ, പ്രോഗ്രാം കൺവീനർ ശ്രീമതി.ഗീതു റോസ് എന്നിവർ സംസാരിച്ചു. വിവിധ മത്സരങ്ങളിൽ റെഡ് ,ബ്ലൂ, യെല്ലോ, ഗ്രീൻ എന്നീ ഹൗസുകൾ യഥാക്രമത്തിൽ ഒന്ന് ,രണ്ട് മൂന്ന്, നാല് സ്ഥാനങ്ങൾ കരസ്ഥമാക്കി.
