സുൽത്താൻബത്തേരി: ക്ഷീര സംഘം ഭരണസമിതി തെരഞ്ഞെടുപ്പിൽ സിപിഎം നേതൃത്വം നൽകുന്ന സഹകരണ മുന്നണിക്ക് വിജയം. തെരഞ്ഞെടുപ്പ് നടന്ന ആറു സീറ്റിൽ സഹകരണ മുന്നണിയിലെ എബി ജോസഫ്, കെ.സി. ഗോപിദാസ്, കെ.എ. മത്തായി, കെ.കെ. പൗലോസ്, സിന്ധു ഹരിദാസ്, സി.വി, സുജാത എന്നിവരാണ് വിജയിച്ചത്. സ്വതന്ത്ര ക്ഷീര കർഷക മുന്നണി സ്ഥാനാർത്ഥികളെയാണ് പരാജയപ്പെടുത്തിയത്. മൂന്ന് സീറ്റിൽ സഹകരണ മുന്നണി സ്ഥാനാർത്ഥികൾ എതിരില്ലാതെ വിജയിച്ചിരുന്നു. എസ്‌സി-എസ്ടി വിഭാഗത്തിൽ എം. ഭാസ്‌കരൻ, 40 വയസിൽ താഴെയുള്ള പുരുഷ, വനിതാ വിഭാഗങ്ങളിൽ അനീഷ് ബാബു, കെ.ബി. സോൾന നേരത്തെ വിജയിച്ചത്.
ഭരണസമിതിയുടെ പ്രഥമയോഗം പ്രസിഡൻ്റായി കെ.കെ. പൗലോസിനെയും വൈസ് പ്രസിഡൻ്റായി സിന്ധു ഹരിദാസിനെയും തിരഞ്ഞെടുത്തു. തെരഞ്ഞെടുപ്പ് വിജയം അറിയിച്ച് സിപിഎം പ്രവർത്തകർ നഗരത്തിൽ പ്രകടനം നടത്തി.
