കോഴിക്കോട്:കക്കാടംപൊയിലിലെ ആനക്കല്ലുംപാറയിൽ കാർ നിയന്ത്രണം വിട്ട് കലുങ്കിലിടിച്ചുണ്ടായ അപകടത്തിൽ യുവതി മരിച്ചു. കോഴിക്കോട് കൊടുവള്ളി സ്വദേശിനി മുക്കിലങ്ങാടി കുന്നത്തുപറമ്പ് ഫാത്തിമ മഖ്ബൂല(21)യാണ് മരിച്ചത്.
കാർ ഓടിച്ച ഓമശ്ശേരി കല്ലൂരുട്ടി സ്വദേശി ചക്കിട്ടക്കണ്ടി മുഹമ്മദ് മുൻഷിഖ്(23) പരുക്കുകളോടെ മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്.ഇന്നലെ കക്കാടംപൊയിലിൽനിന്നും വരുന്നതിനിടെയാണ് അപകടമുണ്ടായത്. ഉടനെ ഇരുവരെയും ആശുപത്രിയിൽ എത്തിച്ചെങ്കിലും ഗുരുതരമായി പരിക്കേറ്റ യുവതിയുടെ ജീവൻ രക്ഷിക്കാനായില്ലെന്ന് പോലീസ് പറഞ്ഞു. കൂമ്പാറ- കക്കാടംപൊയിൽ റോഡിലെ അപകട മേഖലയിൽ വച്ച് ഇവർ സഞ്ചരിച്ച സ്വിഫ്റ്റ് കാർ നിയന്ത്രണം വിട്ട് കലുങ്കിൽ ഇടിച്ച് മറിയുകയായിരുന്നു. കാറിൻ്റെ ബ്രേക്കിന്റെ തകരാറാണ് അപകടത്തിന് ഇടയാക്കിയതെന്ന് പറയുന്നു.
