പനമരം : പനമരം ആര്യന്നൂർനടയിൽ സ്വകാര്യ ബസ്സും സ്‌കൂട്ടറും കൂട്ടിയിടിച്ച് സ്കൂട്ടർ യാത്രക്കാരായ രണ്ട് പേർക്ക് പരിക്കേറ്റു. അഞ്ചുക്കുന്ന് കളത്തിങ്കര കോളനിയിലെ മനു (24), ഷീനേഷ് (19) എന്നിവർക്കാണ് പരിക്കേറ്റത്. ഇന്ന് 6.45 ഓടെയാണ് സംഭവം. മാനന്തവാടിയിൽ നിന്നും കൽപ്പറ്റയിലേക്ക് വരികയായിരുന്ന സ്വകാര്യബസ്സിലേക്ക് അഞ്ചുകുന്ന് ഭാഗത്തേക്ക് പോവുകയായിരുന്ന സ്കൂട്ടർ ഇടിച്ചു കയറിയാണ് അപകടം ഉണ്ടായതെന്ന് ദൃക്സാക്ഷികൾ പറഞ്ഞു. പരിക്കേറ്റ ഇരുവരെയും ഉടൻ വയനാട് ഗവ. മെഡിക്കൽ കോളേജ് ആശുപത്രിക്ക് കൊണ്ടുപോയി.
