അബുദാബി: യു.എ.ഇ.യിൽ പ്രഖ്യാപിച്ച രണ്ട് മാസത്തെ പൊതുമാപ്പിന് ഇന്ന് തുടക്കം. സെപ്റ്റംബർ ഒന്നുമുതൽ ഒക്ടോബർ അവസാനം വരെ റണ്ട് മാസത്തേക്കാണ് പൊതുമാപ്പ് പ്രഖ്യാപിച്ചിരിക്കുന്നത്. ഇതോടെ, അനധികൃത താമസക്കാരായി കഴിയുന്നവർക്ക് പിഴയും ശിക്ഷയുമില്ലാതെ ഞായറാഴ്ച മുതൽ നാടണയം. വിസ നടപടി ക്രമങ്ങൾ നിയമപരമായി യു.എ.ഇ.യിൽ തുടരാനും ഇനിയും അവസരമുണ്ട്.റെസിഡൻസ് വിസയുടെ കാലാവധി കഴിഞ്ഞിട്ടും പുതുക്കാത്തവർ, വിസിറ്റിംഗ് വിസയിലെത്തി സ്വദേശത്തേക്ക് തിരിച്ചു പോകാത്തവർക്ക് പൊതുമാപ്പ് പ്രയോജനപ്പെടുത്താം.
അബുദാബിയിലെ ഇന്ത്യൻ എംബസി, ദുബായിലെ ഇന്ത്യൻ കോൺസുലേറ്റ് അപേക്ഷകർക്ക് പ്രത്യേക സൗകര്യം സജ്ജീകരിച്ചിട്ടുണ്ട്. ദുബായിൽ ആമർ സെന്ററുകൾ, അൽ അവീറിലെ ജയിലിലുള്ള പ്രത്യേക കേന്ദ്രം, താമസ കുടിയേറ്റകാര്യ വകുപ്പിന്റെ വെബ്സൈറ്റ് എന്നിവ അപക്ഷമായി സമർപ്പിക്കാം.
