മേപ്പാടി:വലിയൊരു ദുരന്തത്തിൻ്റെ ആഘാതത്തിൽ ദുഃഖവും സന്തോഷവും തളം കെട്ടിയ അന്തരീക്ഷത്തിൽ വെള്ളാർമലയിലും മുണ്ടക്കൈയിലും പുനഃപ്രവേശനോത്സവം. വിദ്യാഭ്യാസ മന്ത്രി വി. ശിവൻകുട്ടി ഉദ്ഘാടനം ചെയ്തു. വെള്ളാർമല, മുണ്ടക്കൈ സ്കൂളുകൾ ഉടൻ പുനർനിർമ്മിക്കുമെന്ന് അദ്ദേഹം പറഞ്ഞു. വെള്ളാർമല സ്കൂളിൽ അവശേഷിക്കുന്ന കെട്ടിടം ദുരന്ത സ്മാരകമാക്കും. ദുരന്തം ഒറ്റക്കെട്ടായി നേരിടുമെന്നും അദ്ദേഹം പറഞ്ഞു.
