കൽപ്പറ്റ: കേരള പോലീസ് അസോസിയേഷൻ കോഴിക്കോട് സിറ്റി ജില്ലാ കമ്മിറ്റിയും കോഴിക്കോട് പുത്തലത്ത് കണ്ണാശുപത്രിയും ചേർന്ന് വയനാട് ദുരന്ത ബാധിതർക്ക് ആവശ്യമായ കണ്ണടകൾ വിതരണം ചെയ്തു. ചടങ്ങ് വയനാട് ജില്ലാ പോലീസ് മേധാവി തപോഷ് ബസുമതാരി വയനാട് ഡിഎംഒ ഡോ. ദിനീഷിന് കൈമാറികൊണ്ട് ഉദ്ഘാടനം ചെയ്തു. കെപിഎ കോഴിക്കോട് സിറ്റി പ്രസിഡന്റ് നിറാസ് കെ.ടി അധ്യക്ഷത വഹിച്ച ചടങ്ങിൽ രഗീഷ് പറക്കോട്ട് സ്വാഗതം പറഞ്ഞു. പുത്തലത്ത് കണ്ണാശുപത്രി എം.ഡി ഡോ സുരേഷ് മുഖ്യ പ്രഭാഷണം നടത്തി.
കെപിഎ വയനാട് ജില്ലാ സെക്രട്ടറി ഇർഷാദ്, കെപിഒഎ സംസ്ഥാന നിർവാഹക സമിതി മെമ്പർ ശശി, കെപിഎ സംസ്ഥാന നിർവാഹക സമിതി മെമ്പർ സുനിൽ കുമാർ പി.വി എന്നിവർ ആശംസകൾ അറിയിച്ച ചടങ്ങിൽ കെപിഎ ജില്ലാ ജോയിൻ്റ് സെക്രട്ടറി രതീഷ്.ടി നന്ദി പ്രകാശിപ്പിച്ചു.
