കൊല്ലം: ഓടിക്കൊണ്ടിരുന്ന കാറിന് തീപിടിച്ചു. ചിതറയില്‍ ഇന്നലെ രാത്രിയിലാണ് സംഭവം. അപകടത്തിൽ ആളപായം ഇല്ല.മടത്തറ സ്വദേശി ഷിഹാബുദ്ദീന്റെ ഉടമസ്ഥതയിലുളള കാറാണ് കത്തിയത്. ബോണറ്റിൽനിന്നു പുക ഉയരുന്നത് കണ്ടയുടൻ കാർ നിർത്തിയതുകൊണ്ടു യാത്രക്കാര്‍ രക്ഷപ്പെട്ടു. രണ്ടുപേരാണ് വാഹനത്തിലുണ്ടായിരുന്നത്. ഫയർഫോഴ്സ് എത്തിയാണു തീയണച്ചത്. കാർ പൂർണമായും കത്തി നശിച്ചു. ഷോർട്ട് സർക്യൂട്ട് ആണ് തീപിടുത്തത്തിന് കാരണമെന്നാണ് നിഗമനം.
