കൽപ്പറ്റ: വെള്ളാരം കുന്നിൽ സ്വകാര്യ ബസും ഓംമ്നി വാനും കൂട്ടിയിടിച്ച് ഒമ്പതോളം പേർക്ക് പരിക്കേറ്റു. കോഴിക്കോട്- ബത്തേരി സർവ്വീസ് നടത്തുന്ന ബട്ടർ‌ഫ്ലൈ എന്ന ബസ്സും ഓംമ്നിവാനുമാണ് അപകടത്തിൽപ്പെട്ടത്.
ചൂരൽമല ഉരുൾപൊട്ടൽ ദുരന്തത്തിൽ കുടുംബാംഗങ്ങളെ നഷ്ടപ്പെട്ട ശ്രുതി, പ്രതിശ്രുത വരൻ ജൻസൺ, അങ്കിത്, ലാവണ്യ, മാധവി, രതിനി, അനൂപ്, അനിൽ, കുമാർ, ആര്യ എന്നിവർക്കാണ് പരിക്ക്. ഓമ്‌നി വാൻ വെട്ടി പൊളിച്ചാണ് പരിക്കേറ്റവരെ പുറത്തെടുത്തത്.ജെൻസൺ ഒഴികെയുള്ളവരുടെ പരിക്ക് സാരമുള്ളതല്ലെന്നാണ് പ്രാഥമിക വിവരം. ജെൻസനെ മേപ്പാടിയിലെ സ്വകാര്യ മെഡിക്കൽ കോളേജിലേക്ക് മാറ്റി.മറ്റുള്ളവർ കൽപ്പറ്റയിലെ സ്വകാര്യ ആശുപത്രിയിൽ ചികിത്സയിലാണ്
