കൊച്ചി:കഴിഞ്ഞ മൂന്ന് ദിവസമായി മാറ്റമില്ലാതെ നിന്ന സ്വർണ വിലയിൽ ഇന്ന് കുതിപ്പ്. ഗ്രാമിന് 35 രൂപ വർധിച്ച് 6,715 രൂപയും പവന് 280 രൂപ വർധിച്ച് 53,720 രൂപയുമായി. 18 കാരറ്റ് സ്വർണ വിലയും 25 രൂപ വർധിച്ച് ഗ്രാമിന് 5,565 രൂപയായി. വെള്ളി വില ഗ്രാമിന് ചെറിയൊരു ഇടവേളയ്ക്ക് ശേഷം 90 രൂപയിലേക്ക് തിരിച്ചു കയറി. ഇന്ന് ഒരു രൂപയുടെ വർധനയാണ് രേഖപ്പെടുത്തിയത്.
അമേരിക്കയിൽ നിന്നുള്ള പലിശ പ്രതീക്ഷകളാണ് സ്വർണത്തെ ഉയർത്തുന്നത്. രാജ്യാന്തര സ്വർണ വില കഴിഞ്ഞ രണ്ട് ദിവസമായി മുന്നേറ്റത്തിലാണ്. ഇന്ന് 0.08 ശതമാനം ഉയർന്ന് ഔൺസ് വില 2.518.15 ഡോളറിലെത്തി. കഴിഞ്ഞയാഴ്ച ഔൺസിന് 2,500 ഡോളറിനു താഴെ എത്തിയ ശേഷമാണ് കയറ്റം.
