ഇന്ന് നബിദിനം. ഇസ്ലാം മത വിശ്വാസികൾ പ്രവാചകന്‍ മുഹമ്മദ് നബിയുടെ ജന്മദിനം ആഘോഷിക്കാന്‍ വിപുലമായ പരിപാടികളാണ് മദ്‌റസകളിലും പള്ളികളിലും ഒരുക്കിയിരിക്കുന്നത്.കൊടി തോരണങ്ങളാല്‍ പള്ളികളും മദ്രസകളും അലങ്കരിച്ചിട്ടുണ്ട്. മദ്‌റസകള്‍ കേന്ദ്രീകരിച്ച് കുട്ടികളുടെ റാലികള്‍ നടക്കും. വൈകുന്നേരം കുട്ടികളുടെ കലാപരിപാടികളും അരങ്ങേറും. ഇതിനോടൊപ്പം തന്നെ മൗലിദ് പാരായണവും അന്നദാനവും ഉണ്ടാകും.
ഹിജ്‌റ വര്‍ഷത്തില്‍ റബീഉല്‍ അവ്വല്‍ മാസം 12നാണ് നബി ദിനം ആഘോഷിക്കുന്നത്. എ ഡി 570ല്‍ മക്കയിലാണ് മുഹമ്മദ് നബി ജനിച്ചത്. പ്രവാചകന്‍ പകര്‍ന്ന വെളിച്ചം സ്വന്തം ജീവിതത്തില്‍ പകര്‍ത്താന്‍ വിശ്വാസികളെ ഓര്‍മിപ്പിക്കുന്ന ദിനം കൂടിയാണ് നബി ദിനം.
അതേസമയം മലപ്പുറം ജില്ലയിൽ നിപ്പ സ്ഥിരീകരിച്ചതോടെ അതീവ ജാഗ്രതയോടെയാണ് മഹല്ല് കമ്മിറ്റികൾ നബിദിനാഘോഷങ്ങൾ സംഘടിപ്പിക്കുന്നത്. ആപത്തു കാലഘട്ടങ്ങളിൽ സ്വാന്തനമേകുന്നതും അശരണരേ ചേർത്തുപിടിക്കുന്നതും നബി ചര്യയാണെന്ന് ഖത്തീബുമാർ ഓർമ്മപ്പെടുത്തി.
