പനമരം: പനമരം ഹൈസ്‌കൂൾ റോഡിൽ പലചരക്ക് കച്ചവടം നടത്തുന്ന അനിൽകുമാറിനെ ആക്രമിച്ച കേസിൽ രണ്ടുപേരെ പനമരം പോലീസ് അറസ്റ്റ് ചെയ്തു. ചിക്കലൂർ സ്വദേശി വിഷ്‌ണു (20), പുഞ്ചവയൽ സ്വദേശി അനീഷ് (23) എന്നിവരെയാണ് പനമരം സബ് ഇൻസ്പെക്ടർ റസാക്ക് എം. കെ യുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്‌തത്.
പ്രതി കളെക്കുറിച്ച് യാതൊരു സൂചനകൾ ലഭിച്ചിട്ടില്ലാതിരിന്നിട്ടും സിസിടിവി ക്യാമറകൾ പരിശോധിച്ചും സ്‌കൂൾ പരിസരത്ത് വൈകുന്നേര സമയങ്ങളിൽ വരാറുള്ളവരെ കേന്ദ്രീകരിച്ചുമുള്ള അന്വേഷണത്തിലാണ് പ്രതികളെ രണ്ടു ദിവസത്തിനകം പിടികൂടാൻ കഴിഞ്ഞത്. ഉന്നതി കേന്ദ്രീകരിച്ച് നടത്തിയ അന്വേഷണത്തിൽ വിഷ്‌ണുവിനെ തരുവണയിൽ നിന്നും അനീഷിനെ കൂടോത്തുമ്മൽ വെച്ചുമാണ് കസ്റ്റഡിയിൽ എടുത്തത്.
