കൽപ്പറ്റ :നാട്ടുകാരെ ഭീതിയിലാക്കി പുല്‍പ്പാറയില്‍ പുലി സാന്നിധ്യമുണ്ടായതിന് പുറമേ റാട്ടകൊല്ലി വാഴക്കുണ്ട് പ്രദേശങ്ങളിലും പുലിയെ കണ്ടതായി നാട്ടുകാര്‍. പ്രദേശത്ത് കൂട് സ്ഥാപിച്ച് പുലിയെ പിടികൂടാനുള്ള നടപടി വനം വകുപ്പ് സ്വീകരിക്കണമെന്ന് നാട്ടുകാർ ആവശ്യപ്പെട്ടു. ഇന്നലെ രാവിലെ എട്ടരയോടെ എല്‍സ്റ്റണ്‍ എസ്റ്റേറ്റ് പാടിയില്‍ താമസിക്കുന്ന കല്‍പ്പറ്റ നഗരസഭയിലെ ഹരിതകര്‍മ സേന തൊഴിലാളിയും, അതിന് മുമ്പ് പലരും പുലിയെ കണ്ടിരുന്നു. പുലി സാന്നിധ്യം നിരന്തരമായ തോടെ മദ്രസക്ക് അവധി നല്‍കിയിരുന്നു. എസ്റ്റേറ്റിന്റെ വിവിധ ഇടങ്ങളില്‍ കാടുപിടിച്ച് കിടക്കുന്നതിനാല്‍ പുലിക്ക് തമ്പടിക്കാന്‍ എളുപ്പമാണ്. തോട്ടത്തിലെ കാട് വെട്ടി വൃത്തിയാക്കാനുള്ള നടപടി എസ്റ്റേറ്റ് മാനേജ്മെന്റ് സ്വീകരിക്കണമെന്ന് പ്രദേശവാസികള്‍ ആവശ്യപ്പെട്ടു.
