കൽപ്പറ്റ : നിരവധി കേസുകളിൽ പ്രതിയായ യുവാവിനെ കാപ്പ ചുമത്തി ജയിലിലടച്ചു. പെരിക്കല്ലൂർ, ചക്കാലക്കൽ വീട്ടിൽ സുജിത്തി(28)നെയാണ് കാപ്പ ചുമത്തി ജയിലിടച്ചത്. കവർച്ച, വധശ്രമം, അടിപിടി, ഭീഷണിപ്പെടുത്തൽ തുടങ്ങി നിരവധി ക്രിമിനൽ കേസുകളിൽ പ്രതിയായ ഇയാൾ കൂത്തുപറമ്പ് കവർച്ച കേസിൽ ജയിൽ ശിക്ഷ അനുഭവിച്ചു വരികയായിരുന്നു. ഇയാളെ മുൻപ് കാപ്പ ചുമത്തി നാട് കടത്തിയതായിരുന്നു. നിരന്തരമായി കുറ്റകൃത്യങ്ങളിൽ ഏർപ്പെട്ടു വരുന്ന ഇയാൾക്കെതിരെ കാപ്പ ചുമത്തി ഒരു വർഷത്തേക്ക് ജയിലിലടച്ചത്. വയനാട് ജില്ലാ പോലീസ് മേധാവി സമർപ്പിച്ച റിപ്പോർട്ടിൻ്റെ അടിസ്ഥാനത്തിൽ വയനാട് ജില്ലാ കളക്ടറാണ് ഉത്തരവിറക്കിയത്.
