ഹൈദരാബാദ്: മൊബൈല് ചാര്ജറിന്റെ കേബിളില് കൈതട്ടി ഷോക്കേറ്റ് യുവാവ് മരിച്ചു. മാലോത് അനില് (23) ആണ് മരിച്ചത്. തെലങ്കാനയിലാണ് സംഭവം. രാത്രി മൊബൈല് കുത്തിവച്ച് ഉറങ്ങാന് കിടന്ന അനിലിന്റെ കൈ കേബിളില് തട്ടുകയായിരുന്നു. ഇതിനെ തുടര്ന്ന് ഷോക്കേറ്റ അനിലിനെ വീട്ടുകാര് ഉടന് തന്നെ ആശുപത്രിയിലെത്തിച്ചു. എന്നാല് സ്ഥിതി വഷളായതിനെ തുടര്ന്ന് സര്ക്കാര് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
