മദ്ദൂർ : മലപ്പുറത്തു നിന്നും ബെംഗളൂരുവിലേക്ക് വരികയായിരുന്ന കെ എസ്ആർടിസി ബസ് ഡിവൈഡറിൽ ഇടിച്ച് ഡ്രൈവർക്ക് ദാരുണാന്ത്യം. മലപ്പുറം ഡിപ്പോ ഡ്രൈവർ തിരൂർ താനാളൂർ സ്വദേശി ഹസീബ് ആണ് മരിച്ചത്.
ഇന്ന് പുലർച്ചെ 5 മണിക്ക് മാണ്ഡ്യ മദ്ദൂരിനടുത്ത് ബെംഗളൂരു- മൈസൂരു എക്സ്പ്രസ് പാതയിലാണ് അപകടമുണ്ടായത്. ആർപിസി 899 നമ്പർ സൂപ്പർ ഡീലക്‌സ് ബസാണ് അപകടത്തിൽപ്പെട്ടത്. മുന്നിലൂടെ പോകുകയായിരുന്ന ലോറി സഡൻ ബ്രേക്കിട്ടതിനെ തുടർന്ന് നിയന്ത്രണം വിട്ട ബസ് ഡിവൈഡറിൽ ഇടിക്കുകയും ഡ്രൈവർ സ്റ്റിയറിംഗിനും കാബിനും ഇടയിൽ കുടുങ്ങുകയുമായിരുന്നു. മൃതദേഹം മാണ്ഡ്യ സർക്കാർ ആശുപത്രിയിലേക്ക് മാറ്റിയിട്ടുണ്ട്. ബെംഗളൂരുവിലെക്കുള്ള സ്പെഷ്യൽ സർവീസായിരുന്നു ബസിന്റെത്. അപകടത്തിൽ യാത്രക്കാർക്ക് പരുക്കില്ല
