സുൽത്താൻ ബത്തേരി: കൽപ്പറ്റയിൽ വെച്ച് നടന്ന സി ബി എസ് ഇ ജില്ലാ സ്പോർട്സ് മീറ്റിൽ സുൽത്താൻബത്തേരി നിർമ്മല മാതാ പബ്ലിക് സ്‌കൂളിന് മികച്ച നേട്ടം. വ്യക്തിഗത ചാമ്പ്യൻ ഉൾപ്പെടെ വിവിധ മത്സരങ്ങളിൽ സ്കൂളിലെ 20 വിദ്യാർഥികൾ മെഡലുകൾ കരസ്ഥമാക്കി. അണ്ടർ 10 കാറ്റഗറിയിൽ അദിഥ് കൃഷ്‌ണയും അണ്ടർ 14 കാറ്റഗറിയിൽ അർഷൽ വർഗീസ് ജിബിനും വ്യക്തിഗത ചാമ്പ്യൻമാരായി. അണ്ടർ 10 കാറ്റഗറിയിൽ നിർമ്മല മാതാ സ്കൂ‌ൾ ഒന്നാം സ്ഥാനവും, അണ്ടർ 14 കാറ്റഗറിയിൽ രണ്ടാം സ്ഥാനവും കരസ്ഥമാക്കി.
അലൻരാഗ് അനിൽകുമാർ, ജോൺ കക്കാട്ട്, ശ്രീരാജ് എൻ. ബി,ആൽബിൻ ടി ജോൺ, അൻഹ ഷമീർ, അർഷൽ വർഗീസ് ജിബിൻ, ഹിമ വി. എസ്, സഞ്ജയ് എം നായർ, കമല‌നാഥ് കെ പ്രകാശ്, എലൻസ ആൻ ഷിനോജ്,ജോഷ്വിൻ ആൻ്റോ വർഗീസ്, അദനാൻ ജൂനസ്, ഋഷി വിനോദ്, നദാൻ തോമസ്, ആൻഡ്രിയനോ മാർട്ടിൻ, ആനന്ദരാഗ് അനിൽകുമാർ, ദിയ ഷൈലേഷ്, അദിഥ് കൃഷ്ണ, അധിഷ്‌ട ലക്ഷ്‌മി എ എ എന്നിവരാണ് മെഡലുകൾ കരസ്ഥമാക്കിയ വിദ്യാർഥികൾ.
