വൈത്തിരി: വൈദ്യഗിരി സുബ്രഹ്മണ്യ സ്വാമി ക്ഷേത്രത്തിൽ വർഷംതോറും വരാറുള്ള ശൂരസംഹാര മഹോത്സവം നവംബർ ഏഴാം തീയതി നടക്കും.ക്ഷേത്രം മേൽശാന്തി സുരേഷ് സ്വാമിയുടെ മുഖ്യകാർമികത്വത്തിലാണ് ഇത്തവണ വൈദ്യഗിരിയിൽ ശൂര സംഹാര മഹോത്സവം നടത്തുന്നത്. ശൂരസംഹാര ചടങ്ങുകൾ ക്ഷേത്രം ഗുരുസ്വാമി സെൽവം കൽപറ്റയാണ് നിർവഹിക്കുന്നത്.വ്യാഴം രാവിലെ 6 മണിക്ക് വിശേഷാൽ പൂജകളോടെ തുടങ്ങുന്ന ചടങ്ങുകൾ, ശൂര സംഹാരാനുവാദപൂജ, ശൂരം കുത്തിന് പുറപ്പെടൽ, ശൂര സംഹാരം, ശൂര പത്മനെ വധിച്ച ശേഷമുള്ള പുലകുളി, അഷ്ടാഭിഷേകം, വിശേഷാൽ ദീപാരാധന എന്നിവ ഉച്ചയ്ക്ക് 12 മണിക്ക് അവസാനിക്കുകയും ഒരു മണിക്ക് അന്നദാനം നടത്തുകയും ചെയ്യും.
