കൽപ്പറ്റ: ഓടിക്കൊണ്ടിരുന്ന മാരുതി ഓംനി വാനിനു തീപിടിച്ചു. ഇന്ന് രാത്രി എട്ടോടെ നഗരത്തിലെ ആനപ്പാലം ജംഗ്ഷനിലാണ് സംഭവം. മീനങ്ങാടി സ്വദേശികളായ പുരുഷനും സ്ത്രീയും രണ്ട് കുട്ടികളുമാണ് വാനിൽ. നാട്ടുകാരുടെ സമയോചിത ഇടപെടല് മൂലം ഇവർ പരിക്കില്ലാതെ രക്ഷപ്പെട്ടു. വാനിൻ്റെ മുൻഭാഗം അടിയിൽനിന്നാണ് തീപടർന്നത്. ഇത് ശ്രദ്ധയിൽപ്പെട്ടവർ വാതിലിൽ ശക്തമായി ഇടിച്ച് വാൻ നിർത്തി. വാനിൻ്റെ പിൻസീറ്റിലായിരുന്ന കുട്ടികളെ ഗ്ലാസ് തകർത്താണ് പുറത്തിറക്കിയത്. കൽപ്പറ്റ അഗ്നി-രക്ഷാസേനയെത്തിയാണ് തീ അണച്ചത്
