കൽപ്പറ്റ: ഇന്ത്യൻ ലോയേഴ്‌സ് കോൺഗ്രസ് കോർട്ട് സെൻ്റർ കമ്മിറ്റിയുടെ അഭിമുഖ്യത്തിൽ കോടതി സമുച്ചയത്തിനു മുന്നിൽ ധർണ നടത്തി. അഭിഭാഷകരുടെ സംരക്ഷണം ഉറപ്പാക്കുന്നതിന് കേരള അഡ്വക്കറ്റ് പ്രൊട്ടക്ഷൻ ആക്ട് കൊണ്ടുവരിക, ബാർഡ് ഓഫീസ്‌സിൽ വെൽഫെയർ ഫണ്ടിൽ നിന്ന് അപഹരണം നത്തിയവരെ നിയമത്തിനു മുന്നിൽ നിർത്തുക, അഡ്വക്കറ്റ്‌സ് വെൽഫെയർ ഫണ്ട് 30 ലക്ഷം രൂപ വർധിപ്പിക്കുക, ജൂനിയർ അഭിഭാഷകർക്ക് മാസം 5,000 രൂപ, കേസുകൾക്കും കുടുംബ കോടതി കേസുകൾക്കും ഏർപ്പെടുത്തിയ കോടതി ഫീസ് പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. ജില്ലാ പഞ്ചായത്ത് പ്രസിഡൻ്റ് സംഷാദ് മരക്കാർ ഉദ്ഘാടനം ചെയ്തു. ലോയേഴ്‌സ് കോൺഗ്രസ് ജില്ലാ പ്രസിഡൻ്റ് അഡ്വ.പി.എം. രാജീവ് അധ്യക്ഷത വഹിച്ചു. സംസ്ഥാന സെക്രട്ടറി അഡ്വ.പി.ബി. വിനോദ്കുമാർ, സീനിയർ അഭിഭാഷകരായ ജയലക്ഷ്മി, കെ.കെ. സെബാസ്റ്റ്യൻ, ജോസ് തേരകം എന്നിവർ പ്രസംഗിച്ചു. താലൂക്ക് കമ്മിറ്റി പ്രസിഡൻ്റ് അഡ്വ.ഷൈജു മാണിശേരി സ്വാഗതവും ജില്ലാ സെക്രട്ടറി അഡ്വ.ടോമി വി. ജോസഫ് നന്ദിയും പറഞ്ഞു.
