വാര്യാട് : കാറും ബൈക്കും കൂട്ടിയിടിച്ച് അപകടത്തിൽ ബൈക്ക് യാത്രികൻ മരിച്ചു. ബൈക്ക് യാത്രക്കാരനായ വൈത്തിരി പന്ത്രണ്ടാം പാലം ഷംസീർ (26) ആണ് മരിച്ചത്.അപകടത്തിൽ കൈക്കും കാലിനും ഗുരുതരമായി പരിക്കേറ്റ സഹോദരി ഫസ്മിഹ മേപ്പാടി സ്വകാര്യ മെഡിക്കൽ കോളേജിൽ ചികിൽസയിലാണ്. മുട്ടിൽ വാര്യാട് ഒമേഗക്ക് സമീപം ഇന്ന് വൈകീട്ട് 7 മണിയോടെയാണ് കാറും സഹോദരങ്ങൾ സഞ്ചരിച്ച ബൈക്കും അപകടത്തിൽപ്പെടുകയായിരുന്നു.
