പെരിക്കല്ലൂർ:ഇന്ന് പുലർച്ചെ കേരളാ എക്സൈസ് മൊബൈൽ ഇൻ്റർവെൻഷൻ യൂണിറ്റ് പാർട്ടിയും സുൽത്താൻ ബത്തേരി എക്സൈസ് സർക്കിൾ പാർട്ടിയും സംയുക്തമായി എക്സൈസ് സർക്കിൾ ഇൻസ്പെക്ടർ MK സുനിലിൻ്റെ നേതൃത്വത്തിൽ ക്രിസ്മസ്- ന്യൂ ഇയർ സ്പെഷ്യൽ ഡ്രൈവിൻ്റെ ഭാഗമായി കേരളാ- കർണ്ണാടക അതിർത്തി പ്രദേശങ്ങളിൽ നടത്തിയ പരിശോധനയിൽ പുൽപ്പള്ളി പെരിക്കല്ലൂർ ഭാഗത്ത് വെച്ച് KL 36 G 6944 പൾസർ ബൈക്കിൽ 1.714 കിലോഗ്രാം കഞ്ചാവുമായി രണ്ടുപേരെ അറസ്റ്റ് ചെയ്തു.
പുൽപ്പള്ളി താന്നിത്തെരുവ് സ്വദേശി തടത്തിൽ വീട്ടിൽ ശ്യാംമോഹൻ (22 )പുൽപ്പള്ളി പെരിക്കല്ലൂർ സ്വദേശി മുക്കോണത്ത്തൊടിയിൽ വീട്ടിൽ അജിത്ത് (25 )എന്നിവരെയാണ് അറസ്റ്റ് ചെയ്തത്.ഇവർ കഞ്ചാവ് കടത്തി കൊണ്ടുവരാൻ ഉപയോഗിച്ച പൾസർ ബൈക്കും കസ്റ്റഡിയിലെടുത്തു.
എക്സൈസ് സർക്കിൾ ഇൻസ്പെക്ടർ MK സുനിലിൻ്റെ നേതൃത്വത്തിൽ പ്രിവൻ്റീവ് ഓഫീസർ സുനിൽകുമാർ MA , സിവിൽ എക്സൈസ് ഓഫീസർമാരായ നിഷാദ് VB, സുരേഷ് M , രാജേഷ് ER , മുഹമ്മദ് മുസ്തഫ T ; സിവിൽ എക്സൈസ് ഓഫീസർ ഡ്രൈവർ വീരാൻകോയ എന്നിവർ പരിശോധനയിൽ പങ്കെടുത്തു.
10 വർഷം വരെ കഠിന തടവ് ശിക്ഷ ലഭിച്ചേക്കാവുന്ന കുറ്റമാണിത്.പ്രതികളെ തുടർനടപടികൾക്കായി സുൽത്താൻബത്തേരി എക്സൈസ് റെയിഞ്ചിന് കൈമാറി.
