പുൽപ്പള്ളി :കണ്ണൂർ ന്യൂമാഹി സേന പുതുക്കൊടി വീട്ടിൽ സി. കെ. ആഷിക് (28), പാലക്കാട് പടിക്കപ്പാടം വലിയ കത്ത് വീട്ടിൽ വി. അംജാദ് [19], കോഴിക്കോട് പുതിയങ്ങാടി കുഞ്ഞിരായൻകണ്ടി വീട്ടിൽ കെ.കെ. ഷഫീഖ് (33) എന്നിവരെയാണ് പുൽപ്പള്ളി പോലീസും ജില്ലാ ലഹരിവിരുദ്ധ സ്ക്വാഡും ചേർന്ന് പിടികൂടിയത്. പുൽപ്പള്ളി പഞ്ഞിമുക്കിൽ പട്രോളിംഗിനിടെ പോലീസിനെ കണ്ട് പരിഭ്രമിച്ച ഇവരെ പരിശോധിച്ചപ്പോഴാണ് ഇവരിൽ നിന്നും വിൽപ്പനക്കായി സൂക്ഷിച്ച 245 ഗ്രാം കഞ്ചാവ് പിടിച്ചെടുത്തത്. ലഹരി വിരുദ്ധ സ്ക്വാഡിനൊപ്പം സബ് ഇൻസ്പെക്ടർ പി.ജി സാജൻ, എസ്സിപിഒ വർഗീസ്, സിപിഒമാരായ സുജിൻ ലാൽ, കെ.വി. ഷിജു എന്നിവരാണ് അന്വേഷണ സംഘത്തിലുണ്ടായിരുന്നത്.
