തൃശൂര്‍ പീച്ചി ഡാം റിസര്‍വോയറില്‍ നാല് പെണ്‍കുട്ടികള്‍ വീണു. നാലുപേരെയും നാട്ടുകാർ ആശുപത്രിയിലെത്തിച്ചു. മൂന്നുപേരുടെ നില ഗുരുതരമെന്ന് പൊലീസ്. സുഹൃത്തിന്‍റെ വീട്ടില്‍ തിരുനാള്‍ ആഘോഷത്തിന് വന്നവരാണ് അപകടത്തില്‍പ്പെട്ടത്. പാറയില്‍ കാല്‍വഴുതി വീണെന്നാണ് നിഗമനം. പട്ടിക്കാട് സ്വദേശികളായ ആന്‍ ഗ്രെയ്സ്(16) , അലീന(16) , എറിന്‍ (16), പീച്ചി സ്വദേശി നിമ(16) എന്നിവരാണ് അപകടത്തില്‍പ്പെട്ടത്.
പെണ്‍കുട്ടികളുടെ കരച്ചില്‍ കേട്ടെത്തിയവരാണ് രക്ഷിച്ചത്. മൂന്നുകുട്ടികള്‍ അബോധാവസ്ഥയിലായിരുന്നെന്ന് ദൃക്സാക്ഷി പറഞ്ഞു. . നാലുപേരും വെന്റിലേറ്ററിലെന്നും കുട്ടികളുടെ ആരോഗ്യനില നേരിയ രീതിയില്‍ മെച്ചപ്പെട്ടെന്നും തൃശൂര്‍ ആശുപത്രിയിലെ ഡോക്ടര്‍മാര്‍ പറഞ്ഞു. പീച്ചി ഡാം റിസര്‍വോയര്‍ കാണാന്‍ വന്ന കുട്ടികളാണ് അപകടത്തില്‍പെട്ടത്. രണ്ടുപേര്‍ പാറയില്‍ കാല്‍ വഴുതിവീഴുകയായിരുന്നു. രക്ഷിക്കാനിറങ്ങിയ മറ്റുരണ്ടുപേരും വെള്ളത്തിലേക്ക് വീണു.
