പുൽപ്പള്ളി:കേരളാ എക്സൈസ് മൊബൈൽ ഇൻ്റർവെൻഷൻ യൂണിറ്റ് പാർട്ടിയും സുൽത്താൻ ബത്തേരി എക്സൈസ് റേഞ്ച് പാർട്ടിയും സംയുക്തമായി എക്സൈസ് ഇൻസ്പെക്ടർ പി ബാബുരാജിൻ്റെ നേതൃത്വത്തിൽ കേരളാ- കർണ്ണാടക അതിർത്തി പ്രദേശങ്ങളിൽ നടത്തിയ പരിശോധനയിൽ പുൽപ്പള്ളി മരക്കടവ് ഭാഗത്ത് വെച്ച് 500ഗ്രാം കഞ്ചാവുമായി ഒരാളെ അറസ്റ്റ് ചെയ്തു.അമ്പലവയൽ കുറ്റിക്കൈത സ്വദേശി ഇല്ലികുടുമ്പിൽ വീട്ടിൽ വിനേഷ് (38) ആണ് പിടിയിലായത്.
അസിസ്റ്റന്റ് എക്സൈസ് ഇൻസ്പെക്ടർ പി ഡി സുരേഷ് , പ്രിവൻ്റീവ് ഓഫീസർ മനോജ്കുമാർ,സിവിൽ എക്സൈസ് ഓഫീസർമാരായ ഇ ആർ രാജേഷ് , ഷിന്റോ സെബാസ്റ്റ്യൻ , മാനുവൽ ജിംസൺ , ഇ ബി ശിവൻ, രമ്യ, സിവിൽ എക്സൈസ് ഓഫീസർ ഡ്രൈവർ അൻവർ സാദത്ത് എൻ എം എന്നിവർ പരിശോധനയിൽ പങ്കെടുത്തു.കഞ്ചാവ് വിൽപ്പന സംഘത്തിലെ മറ്റു കണ്ണികളെ കുറിച്ചുള്ള അന്വേഷണം പുരോഗമിച്ചുവരുന്നു.
