ബത്തേരി: സ്‌കൂട്ടറിൽ കടത്തുകയായിരുന്ന എം.ഡി.എം.എ യുമായി യുവാവ് പിടിയിൽ. മലപ്പുറം, കരിപ്പൂർ, വട്ടപ്പറമ്പിൽ, മുഹമ്മദ് രജീബ്(25) നെയാണ് ബത്തേരി പോലീസും ലഹരി വിരുദ്ധ സ്ക്വാഡും പിടികൂടിയത്. തകരപ്പാടി പോലീസ് ചെക്ക് പോസ്റ്റിന് സമീപം നടത്തിയ വാഹന പരിശോധനക്കിടെയാണ് ഇയാൾ പിടിയിലാകുന്നത്. 0.30 ഗ്രാം എം.ഡി.എം.എ പിടിച്ചെടുത്തു. ബത്തേരി എസ്.ഐ ഒ.കെ രാംദാസ്, എസ്.സി.പി.ഒ മാരായ സി. ഷൈജു, ബി.എസ് വരുൺ, സ്‌മിജു, സി.പി.ഒ ഹനീഷ് എന്നിവരാണ് പോലീസ് സംഘത്തിലുണ്ടായിരുന്നത്.
