പെരിന്തൽമണ്ണ: തിരൂർക്കാട് കെഎസ്ആർടിസി ബസും ലോറിയും കൂട്ടിയിടിച്ചുണ്ടായ അപകടത്തിൽ ചികിത്സയിലായിരുന്നു ഒരു വിദ്യാർത്ഥി കൂടി മരിച്ചു. വണ്ടൂർ സ്വദേശി സൻഫ (20) ആണ് മരിച്ചത്. പെരിന്തൽമണ്ണ അൽഷിഫ ഹോസ്പിറ്റലിൽ ചികിത്സയിലായിരുന്നു സൻഫ. അപകടത്തിൽ പത്തു പേർക്ക് പരിക്കേറ്റിരുന്നു. അരിയൂർ സ്വദേശിയായ ശ്രീനന്ദ (21) ഇന്നലെ മരിച്ചത്. മണ്ണാർക്കാട് യുണിവേഴ്സൽ കോളേജിലെ ബിസിഎ അവസാന വർഷ വിദാർഥിനിയാണ് ശ്രീനന്ദ. പ്രൊജക്ട് ആവശ്യാർഥം കോഴിക്കോടുപോയി തിരിച്ചുവരുന്നതിനിടെയാണ് അപകടമുണ്ടായത്.ഇന്നലെ വൈകിട്ട് അഞ്ചരയോടെയാണ് തിരൂർക്കാട് വെച്ച് കെഎസ്ആർടിസി ബസ്സും പിക്കപ്പ് ലോറിയും തമ്മിൽ കൂട്ടിയിടിച്ച് അപകടമുണ്ടായത്.
