സംസ്ഥാനത്ത് കുതിച്ചുയർന്ന് സ്വർണ വില. ആദ്യമായി 67,000 കടന്ന് പുതിയ ചരിത്രം സൃഷ്ടിച്ചിരിക്കുകയാണ് സ്വർണ വിപണി. പവന് 520 രൂപ വർധിച്ചതോടെയാണ് സ്വർണവില ആദ്യമായി 67,000 കടന്നത്. ഇന്ന് ഒരു പവൻ സ്വർണത്തിൻ്റെ വില 67,400 രൂപയായാണ് ഉയർന്നത്. ഗ്രാമിന് 65 രൂപയാണ് വർധിച്ചത്. 8425 രൂപയാണ് ഒരു ഗ്രാം സ്വർണത്തിന്റെ വില. ഈ മാസത്തിൻ്റെ തുടക്കത്തിൽ 63,520 രൂപയായിരുന്നു സ്വർണവില. ഒരു മാസത്തിനിടെ ഏകദേശം 4000 രൂപയാണ് വർധിച്ചത്.
20ന് 66,480 രൂപയായി ഉയർന്ന് സർവകാല റെക്കോർഡ് ഇട്ടതിന് പിന്നാലെ അടുത്ത ദിവസങ്ങളിൽ സ്വർണവില കുറയുന്നതാണ് കണ്ടത്. പവന് ആയിരം കുറഞ്ഞ ശേഷം കഴിഞ്ഞ ബുധനാഴ്‌ച മുതലാണ് സ്വർണവില തിരിച്ചുകയറാൻ തുടങ്ങിയത്. ഓരോ ദിവസം കഴിയുന്തോറും റെക്കോർഡ് ഭേദിച്ച് സ്വർണവില മുന്നേറുന്ന കാഴ്ച്‌ചയാണ് കാണുന്നത്
