തിരുവനന്തപുരം: നാവായിക്കുളത്ത് അയൽവാസിയുടെ പുരയിടത്തിലെ മരം ഒടിഞ്ഞ് ദേഹത്തുവീണ് രണ്ടാം ക്ലാസുകാരിക്ക് ദാരുണാന്ത്യം. കുടവൂർ എൻ.എൻ.ബി ഹൗസിൽ സഹദിൻ്റെയും നാദിയയുടെയും മകൾ റിസ്വാന (7)യാണ് മരിച്ചത്. ഞായറാഴ്‌ച രാവിലെ പത്തുമണിയോടെയായിരുന്നു സംഭവം.
റിസ്വാനയുടെ ഒന്നരവയസുള്ള സഹോദരി വീടിനു പിറകിൽ കളിച്ചുകൊണ്ടിരിക്കുമ്പോൾ മരം ഒടിയുന്ന ശബ്ദം കേട്ടതിനെ തുടർന്ന് സഹോദരിയെ രക്ഷിക്കാൻ റിസ്വാന അവിടേക്ക് ഓടിയെത്തുകയായിരുന്നു. ഈ സമയം മരം റിസ്വാനയുടെ ദേഹത്തേക്ക് മരം വീണ് അപകടം സംഭവിച്ചുവെന്നാണ് പ്രാഥമിക വിവരം. റിസ്വാനയുടെ സഹോദരിയെ അത്ഭുതകരമായി രക്ഷപെടുത്തുകയും ചെയ്‌തു.
