സംസ്ഥാനത്തെ സ്കൂളുകൾ ജൂൺ രണ്ടിന് തന്നെ തുറക്കും എന്നാണ് വിദ്യാഭ്യാസ മന്ത്രി വി. ശിവൻകുട്ടിയുടെ ഉറപ്പ്. കനത്ത മഴ തുടരുന്ന സാഹചര്യത്തിൽ രണ്ടിനു സ്കൂൾ തുറക്കില്ലെന്നഅഭ്യൂഹങ്ങൾക്കിടയിലായിരുന്നു മന്ത്രിയുടെ പ്രസ്താവന. നിലവിലെ കാലാവസ്ഥയെ അടിസ്ഥാനമാക്കിയുള്ള അവലോകനത്തിനു ശേഷമാണ് അന്തിമ തീരുമാനം ഉണ്ടാകുക. ഇന്നത്തെ നാളത്തെ കാലാവസ്ഥ വിശദമായി വിലയിരുത്തിയ ശേഷം വേണ്ടത് പോലെ നടപടി സ്വീകരിക്കുമെന്നും അദ്ദേഹം അറിയിച്ചു.ഇതേസമയം, കനത്ത മഴ ഉണ്ടായിട്ടും സംസ്ഥാനത്ത് എവിടെയും സ്കൂളുകൾക്ക് വലിയ നാശം ഇത്തവണ സംഭവിച്ചിട്ടില്ലെന്നും സ്കൂളുകൾ പൊളിഞ്ഞുവീണിട്ടില്ലെന്നും മന്ത്രി പറഞ്ഞു
ഈ വർഷത്തെ സംസ്ഥാന സ്കൂൾ പ്രവേശനോത്സവം ആലപ്പുഴ കലവൂർ ഗവൺമെൻ്റ് ഹയർ സെക്കൻഡറി സ്കൂളിൽ രണ്ടിന് നടക്കും. ചരിത്രത്തിൽ ആദ്യമായി ഒരു വിദ്യാർത്ഥിനിയുടെ രചനയായ കവിത പ്രവേശനോത്സവ ഗാനമായി ഉപയോഗിക്കും എന്നതും ഈ വർഷത്തെ പ്രവേശനോത്സവത്തിൻ്റെ പ്രത്യേകതയാണ്. ഒരുക്കങ്ങൾ പൂർത്തിയായതായി മന്ത്രി അറിയിച്ചു.
